VOV4.Xơ Đăng - Kơxo lơ 7/4, a Ninh Thuận, péa to kong pơlê Lâm Đồng ƀă Ninh Thuận kĭ tơhrâ tơdroăng tơrŭm cheăng mơdêk ôm hyô pơla hơnăm 2022- 2025, tung mê ai tơdjêp ƀă pơlê kong kơdrâm Reăng Đà Lạt ƀă kơpŏng têa kơxĭ ôm hyô Ninh Chữ. Tung tơdroăng tơrŭm mơnhông ôm hyô Ninh Thuận - Lâm Đồng pơla 2022-2025, péa to kong pơlê rơtế tơpui tơno, veăng hnê tối mơjiâng tơmeăm ôm hyô dêi rêm pâ; mơjiâng ƀă mơnhông mơdêk hên túa mâu tơmeăm ôm hyô, tơdjêp mâu tíu ôm hyô vâ tơ’mot tơmối.

Ninh Thuận ai tơmeăm tíu ôm hyô kân ƀă mâu tơmeăm ôm hyô ki le\m dêi kơpong têa kơxĭ, kong ngo ƀă mơhno túa le\m tro dêi kuăn ngo Chăm, Raglai. A Lâm Đồng ai tơmeăm ki rơdei ‘na ôm hyô tơ ê ƀă hyôh kong prâi hngíu tíu pơtê ối le\m.

Pakĭng mê, rơtế troăng tơdjêp ƀă Ninh Thuận - Lâm Đòng xuân cho môi tíu ôm hyô. péa kong pơlê kô re\ng mơjiâng tour ôm hyô “ 1 hdroh prôk troh 3 tíu’’ cho Đà Lạt - Phan Rang - Nha Trang, tơdah tơmối a tơ-raih tơ-ƀai Liên Khương ƀă chiên tơmối a tơraih tơ-ƀai Cam Ranh, tơdrêng ƀă mâu tơmeăm ôm hyô ki tơviah vâ tơ’mot hên mơngế troh lăm ôm hyô.

Gương tơplôu ƀă tơbleăng