Klăng leh tơbâ 62 hơnăm Hâi mơjiâng khu Kan sát hbrâ mơdât, tơpâ on chếo ƀă tŏng xo mơngế hliăng tiâ, 22 hơnăm Hâi tâi tâng kuăn pơlê hbrâ mơdât ƀă tơpâ on chếo, kơmăng hnah, lơ 28/9, a Cung hữu văn hóa Lao động Hữu Nghị Việt Xô hiăng tơkŭm po Tơdroăng pêi ‘’Mơhnhôk tâi tâng kuăn pơlê hbrâ mơdât, tơpâ on chếo ƀă tŏng xo mơngế hliăng tiâ’’ xua Khu xiâm pơkuâ Kŏng an tơrŭm ƀă Rơ’jiú um tơvi Việt Nam tơkŭm po. Pôa Vương Đình Huệ, Kăn xiâm hnê ngăn Kuô̆k hô̆i veăng tơdroăng.

A tơdroăng pêi kố, kheăn kơdeăn, pơ-ôu pơ-eăng mâu tơdroăng pêi ki lĕm, mâu tơdroăng pêi khên tơnôu, mâu tơdroăng châ tơƀrê dêi mâu khu ƀă kuăn pơlê tung tơdroăng hbrâ mơdât, tơpâ on chếo ƀă tŏng xo mơngế hliăng tiâ ƀă tơbâ mâu kuăn pơlê trâm xía vâ, tơbâ mâu kăn ƀô̆, mâu lêng ƀă kuăn pơlê hiăng khên tơnôu, pleăng dêi châ piu lôi dêi tơná vâ tơpâ on, tŏng kum mâu ngế hliăng tiâ tung pơla kố nah. Tung la ngiâ, tơdroăng chếo, pơtôu, tơdroăng ki ôh tá tơniăn, trâm xía vâ kô tơkŭm po ôh tá tơniăn, ƀă ôh tá ‘nâi tối hdrối, xua mê kal tơkŭm pêi pro tơtro tơdroăng hbrâ mơdât tơpâ on chếo ƀă tŏng kum mơngế hliăng tiâ, tơxâng tiô pơkâ dêi tơdroăng nôkố vâ tơniăn ăm lăm pơlê pơla.