Pôa Nguyễn Xuân Tiến, kot mâ hâi lơ 15 khế 5 hơnăm 1958.

Pơlê xiâm: Cheăm Quảng Thọ, tơring Quảng Điền, kong pơlê Thừa Thiên Huế. 

Ối a kơxô̆ hngêi B51 kơpong pơkâ hdró Golf Valley, bêng 2, pơlê kong kơdrâm Đà Lạt, kong pơlê Lâm Đồng.

Veăng pêi cheăng sap khế 3/1978, mot Đảng a khế 2/1082. Cho Ngế cheăng tung Tíu xiâm Đảng Kŏng sản Việt Nam hneăng 11, 12, cho kăn hnê ngăn Đảng kong pơlê, Kăn hnê ngăn Hô̆i đong kong pơlê, Kăn hnê ngăn Vi ƀan kong pơlê hneăng hdrối nah.

Pôa châ Đảng, Tơnêi têa diâp Huân chương Độc lập Má péa, Huân chương Lao động Má môi, Huy hiệu 40  hơnăm cheăng Đảng ƀă hên huân, huy chương ki kơnía git ki ê.

Klêi kơ’nâi châi tamo, mơhé hiăng châ Đảng, Tơnêi têa, khu pú hên mâu yăo sư, ƀok thái pơkeăng ƀă rơpŏng hngêi tơmâng, veăng tŏng kum khăm pơlât, ngăn krâu khât, la tơdroăng châi xuân râ ó, pôa Nguyễn Xuân Tiến hiăng kơtê hiâm a 13 chôu 15’ hâi lơ 28/8/2023 (tơkéa vâ tối hâi má 13 khế 7 hơnăm Qúy Mão) a hngêi krê tơná pôa, pơ’lăng châ 67 hơnăm.

Vâ mơhno hiâm mơno mơjo ƀă tơmâng xo hnoăng hiăng pêi, pleăng dêi pôa Nguyễn Xuân Tiến, Khu kăn xiâm Đảng Kŏng sản Việt Nam pơkâ tơkŭm mơdâm kiâ pôa Nguyễn Xuân Tiến tiô túa leh mơdâm kiâ râ kăn xiâm tơnêi têa.