Hơnăm 2023 hiăng hdró tơdroăng tơbâ 30 hơnăm mâu tơdroăng ki pleăng dêi hnoăng cheăng a rơnó mơdrăng dêi droh rơtăm Pơlê kong kân Hồ Chí Minh (1994 - 2023), tối rơdêi ki pơxúa ƀă ki kơnía kân dêi tơdroăng pleăng hnoăng cheăng dêi khu tơrŭm Đoân, Hô̆i pơlê kong kân hiăng tơkŭm po ƀă lối rơtuh ngế đoân viên, droh rơtăm rơtế veăng.

Tơpui a rôh trâm mâ, Kăn xiâm hnê ngăn tơnêi têa tối rơdêi, mâu tơdroăng cheăng kố hiăng kum droh rơtăm ‘mot dêi tơná tung tơdroăng ki ai khât dêi pơlê pơla, hlê tơ’nôm ‘na tơnêi têa, tơdroăng cheăng hdroâng mơngế, sap ing mê, droh rơtăm kô ai tơdroăng pêi pro tro ƀă tơdroăng cheăng ki Đảng ƀă pơlê pơla dế tiô pêi.

Luâ 30 hơnăm mâu tơdroăng tơ’noăng pleăng dêi hnoăng cheăng dêi droh rơtăm Pơlê kong kân Hồ Chí Minh hiăng tơ’mot châ 5 rơtuh ngế veăng.