A rôh hriâm tâp, mâu kăn ƀô̆ ki pơkuâ, kăn ƀô̆ rak ngăn ƀă mâu thái cô khu hngêi trung râ má péa dêi 5 to kong pơlê kơpong Tây Nguyên hiăng châ tối ‘na mâu tơdroăng kong prâi pro ôh tá tơniăn tung tơnêi têa ƀă lâp plâi tơnêi, tơdroăng tơkŭm po tơbleăng pêi, tơkŭm tơdroăng hlê plĕng hbrâ mơdât kong prâi ôh tá tơniăn, kring vế hyôh kong prâi, hyôh kong prâi hơ ‘lêh a mâu tơdroăng mâu môn hriâm, tơdroăng hnê hriâm ăm hok tro râ má péa, kum ăm vâi o mơdêk hlê plĕng hbrâ mơdât, hbrâ ví ƀă kơdroh kong prâi pro ôh tá tơniăn.

Pôa Nguyễn Huy Quang, Kăn phŏ ƀơrô Rak ngăn kong prâi tung kuăn pơlê. Khu rak ngăn  rơchôa ƀă hbrâ mơdât xía vâ kong prâi pro ôh tá tơniăn, Khu xiâm ngăn pêi chiâk ƀă mơnhông thôn pơlê tối tiah kố, mâu lâm hriâm môi tiah kố kô veăng kum kuăn pơlê hbrâ rơnáu, pêi pro rĕng hdrối kong prâi pro ôh tá tơniăn tiô Tơdroăng Tơkêa bro “ Mơdêk hlê plĕng tung kuăn pơlê ƀă Rak ngăn tơdroăng xía vâ ngăn tiô kơ kuăn pơlê, troh hơnăm 2030” xua Ngế pro xiâm hnê ngăn Chin phuh kĭ pơkâ.