VOV4.Xơ Đăng - Hâi lơ 25/4, pôa Vũ Đức Đam, Ngế pro xiâm phŏ hnê ngăn tơnêi têa hiăng kĭ hlá mơ-éa pơtroh ăm ngế pro xiâm hnê ngăn Chin phuh ‘na tơdroăng rak tơniăn tung mâu tơdroăng ôm hyô drêng troh hâi leh kân lơ 30/4 - lơ 1/5/2022. Ngế pro xiâm hnê ngăn Chin phuh pơkâ thế mâu khu xiâm, kơ koan tơdâng Khu xiâm, kơ koan dêi Chin phuh, Vi ƀan hnê ngăn mâu kong pơlê, pơlê kong kơdrâm râ xiâm tơnêi têa tơkŭm hnê mơhno tơbleăng pêi tơdrêng, pêi kơtăng, tơ-brê mâu luât pơkâ rak tơniăn pơlê pơla, mơgrúa hyôh kong prâi, tơniăn kế kâ...

Mơdêk ki tơ-brê ôm hyô. Ing mê, mơdêk hnê tối, mơdêk hlê plĕng dêi khu mơdró, rơpŏng khu mơdró, tơmối ôm hyô tung tơdroăng rak tơniăn pơkâ hbrâ mơdât COVID-19, mơgrúa hyôh kong prâi pêi krúa kế kâ... a mâu kơpong ôm hyô; hnê mơhno mâu kong pơlê mơdêk tơdroăng séa ngăn, tơniăn tung tơdroăng ôm hyô;  tơniăn ăm tơmối ôm hyô ki prôk drô troăng, malối a mâu tíu tơ’lêi hâ ho troăng prôk, tơklâm rơxế drô troăng prôk.

Gương tơplôu ƀă tơbleăng