VOV4.Xơ Đăng - Sap ing hâi lơ 4 troh lơ 13/5, hok tro lâm 12 tung lâp tơnêi têa hiăng chêh dêi inâi tơ’noăng mơgêi râ phôh thong má pái hơnăm 2022 tiô kơ tơdroăng ki pơkuâ tơ’noăng dêi Khu xiâm ngăn’na hnê hriâm [ă hnê mơjiâng tuăn ngôa rơkê. Ki nếo akố, hdrối nah, tơdroăng chêh inâi vâ tơ’noăng cho pro tu\m hlá mơ-eá tung hồ sơ, la hơnăm kố roh apoăng, mâu hok tro athế chêh tối tung măng Internet, krê mâu hok tro ki hiăng mơgêi râ má pái hnăm hdrối mê hiá nah xuân athế lăm chêh dêi inâi, chêh tung hlá mơ-eá a Khu hnê hriâm [ă hnê mơjiâng tuăn ngoâ rơkê dêi kong pơlê. Maluâ cho hơnăm ki apoăng ai ăm phep chêh inâi tung Internet, la tơdroăng ki chêh tối inâi dêi hok tro châ tơ’lêi hlâu, iâ tro xôi [ă châ re\ng pro iâ chôu phut tâng vâ pơchông ngăn [ă rêm hơnăm.

Mâu hok tro lâm 12 chêh dêi inâi tung măng Internet tiô kơ tơdroăng ki pơkuâ ngăn tơ’noăng sap ing hâi lơ 4/5 troh lơ 13/5 a hngêi trung phôh thong. Vâ mâu hok tro vâ hmâ [ă tơdroăng chêh inâi tung măng Internet kố, Khu xiâm ngăn ‘na hnê hriâm [ă hnê mơjiâng tuăn ngôa rơkê hiăng po ăm mâu tơdroăng ki ăm hok tro mơnúa tơ’noăng. Tai khoan cho kơxo# theh kăng kươc dêi kuăn pơlê lơ hlá kiêm tra dêi hok tro. Tâng ngế ki ôh ti ai theh kăng kươk lơ hlá kiêm tra mê kô chiâng rah xo xêh kơxo# mơnhên inâi châ kơ koan ko\ng an ki bro ăm vâ teăng ăm theh kăng kươk.

Klêi kơ’nâi Khu xiâm ngăn hnê hriâm [ă hnê mơjiâng tuăn ngôa rơkê po troăng hơlâ ki ăm tơ’noăng, o Nguyễn Xuân Mạnh, hok tro lâm 12, Hngêi trung râ má pái phôh thong Phúc Lợi, Hà Nội hiăng chêh dêi inâi tung trang web vâ chêh dêi inâi mot tơ’noăng mơgêi râ má pái phôh thong hơnăm 2022. Hiăng ai 1 pơla măng t^ng hdrối mê hiăng mơnúa chêh tối inâi, xua mê, Mạnh bu mơdoh to lâi phut vâ chêh pro klêi ph^u chêh inâi dêi tơná ai 16 tơdroăng ki xiâm, pro re\ng luâ tâ chêh pro hlá mơ-eá hồ sơ:

‘’Hâi ki lăm chêh tung măng mê, á hiăng chêh tối tơdroăng vâ mơnúa tơ’noăng [ă châ thái hnê tối [ă chêh tối nhên mê á hlo xuân ôh tá trâm tơdroăng ki xahpá li klâi ôh’’.

Pak^ng châ pro re\ng tâ tâng vâ pơchông ngăn [ă tơdroăng pro hlá mơ-eá tung hồ sơ, tơdroăng chêh inâi tơ’noăng mơgêi râ má pái phôh thong tung Internet ối kum ăm hok tro châ ‘mâi rơnêu dêi tơdroăng ki tơtro, mơnhên, tơ’ló. Môi ngế hok tro ki ê a Hà Nội tối ăm ‘nâi:

‘’Tơdroăng chêh tối tung online môi tiah hâi kố mê tơdroăng chêh tối, ‘mâi rơnêu xuân tơ’kêi ó khât, thăm nếo ga ai pơtroh tối mâu tơdroăng nếo ai ki ngin hiăng hlo ga mơhno, hnê tối hlâu ăm tung măng, ngin bu tơ’mot tung mâu tơdroăng mê tơ’lêi hlâu tê’’.

Tung mâu hâi apoăng ki mơnúa chêh tối dêi inâi tơ’noăng mơgêi râ má pái thôh thong, kơxo# hok tro ki chêh tối dêi inâi tá hâi teăm hên, la mâu hngêi trung xuân ăm mâu thái cô ki pơkuâ ngăn hnoăng cheăng veăng hnê tối tơdroăng chêh bro hồ sơ ăm hok tro. Mâu thái cô ki pơkuâ lâm xuân hnê tối, pơtâng khe\n ăm hok tro hlê ple\ng nhên tơdroăng chêh bro hồ sơ [ă mâu tơdroăng ki hơ’lêh ki hok tro kal vâ ‘nâi ple\ng. Vâ tơ’lêi hlâu ăm hok tro, mâu hngêi trung pơrá hiăng hbrâ kơmăi vi t^nh ki ai tơdjêp măng Internet tơniăn [ă ăm mâu thái cô ki hnê ko\ng nge# thong tin hbrâ rơnáu kum mâu vâi o. Jâ Huỳnh Thị Hoà Bình, Kăn pơkuâ hngêi trung râ má pái phôh thong Lạng Giang kơxo# 1, kong pơlê Bắc Giang tối ăm ‘nâi:

‘’{ă tơdroăng ki hok tro lăm chêh tối dêi inâi tng Internet, mê mâu vâi o hok tro hiăng chiâng hlối chêh tối tung kơmăi phôn dêi mâu vâi o, lơ mâu kơmăi vi t^nh a hngêi, tơdroăng kố ga tơ’lêi hlâu ăm hok tro. Maluâ ti mê, tung pơla pơkâ thế pêi pro tiah mê [ă hok tro mê hngêi trung hlo mâu vâi o, drêng vâi xiâm mot tung tai khoan, hơ’lêh mât khauh, la klêi kơ’nâi mê, mâu vâi o hiât lôi dêi mât khauh tơná, hơ’lêh mât khauh ê nếo. Xua mê, hngêi trung hiăng ăm thế mâu kăn [o# to\ng kum, khu thái cô pơkuâ lâm 12 la lâi xuân hbrâ vâ to\ng veăng vâi o’’.

Pak^ng mâu tơdroăng ki tơ’lêi hlâu, mê tơdroăng ki chêh tối dêi inâi vâ veăng tơ’noăng mơgêi râ má pái phôh thong tung măng Internet xuân hmâ trâm tơdroăng ki pá, môi tiah troăng hyôh Internet ôh tá tơniăn, drêng kơtâu têi, drêng kơtâu hrá, drêng tơpâ, xua mê, pro hên ngế hok tro chiâng trâm pá tung pơla mot lơ lo ing măng web. Pak^ng mê, tơdroăng chêh tối mâu kơxo# dêi bêng, cheăm tiah lâi, môn ki châ kơjo tiah lâi xuân pro hên hok tro ôh tá chiâng pêi pro, athế kơnôm thái cô hnê tối. Cô Buì Thị Hồng Duyên, cô hnê Hngêi trung Liên cấp Việt-Úc, Hà Nội tối ăm ‘nâi:

‘’Tâng vâ tối, xuân trâm pá puât ‘na troăng hyôh Internet. Ki má péa tung pơla chêh tối tung măng Internet mê mâu tơdroăng ki trâm pá mê cho tơdroăng ki chêh tối a bêng, cheăm ôh tá ai tung tơdroăng chêh tối ki chiâng ai xêh, mê chiâng trâm pá. Ki má pái, mê cho mâu tơdroăng ki ối tô tuăn ‘na mâu tơdroăng ki mâu vâi o athế tơ’noăng môn nâl kong ê lơ ôh’’.

Pôa Phạm Quốc Khánh, Kăn pho\ pơkuâ ngăn ‘na ki dâi le\m, Khu xiâm ngăn ‘na hnê hriâm [ă hnê mơjiâng tuăn ngôa rơkê tối ăm ‘nâi, kố cho roh apoăng pơkâ mơ’no thế ăm hok tro lâm 12 chêh tối inâi vâ tơ’noăng, kô chêh tối tung măng Internet, xua mê, Khu xiâm ngăn ‘na hnê hriâm [ă hnê mơjiâng tuăn ngôa rơkê hiăng chêh inâi tơ’noăng tung Internet a 2 to hngêi trung râ má pái phôh thong kơpong ki xahpá dêi kong pơlê Bắc Giang [ă Hoà Bình [ă tơdroăng ki tơ-[rê dêi hok tro ki chêh tối tung măng Internet:

‘’A 2 hngêi trung râ má 3 phôh thong a mâu kong pơlê trâm hên xahpá dêi 2 kong pơlê kố, tiô tơdroăng ki apoăng mê mâu vâi o hok tro pơrá hơniâp ro [ă tơ’lêi hlâu tung rak vế, pêi pro. Pin athế lăm ngăn, hnê tối ăm mâu vâi o hok tro mê pin kô hlo nhên, mâu vâi o hơniâp ro [ă tơdroăng ki chêh tối bu re\ng, 3 phut hiăng chêh pro klêi, xua phần mềm xuân kum pro tơ’lêi há, [ă klêi mê, xuân kơnôm ai tơdroăng ki to\ng kum tơ’lêi hlâu dêi mâu thái cô tung tơdroăng hnê tơdjâ, pơkuâ ngăn, seá mơnhên tâi tâng mâu tơdroăng ki chêh tối tiô kơvâ hnê hriâm [ă hnê mơjiâng tuăn ngôa tơkê [ă 2 toăng hngêi trung a kơpong kơtiê xahpá dêi 2 kong pơlê, mê tâi tâng mâu vâi o hok tro pơrá ai kơxo# chêh tối ki tơtro dêi inâi’’.

{ă mâu ngế hok tro ki hiăng mơgêi râ má pái hdrối mê hiá nah, klêi kơ’nâi nâp ph^u chêh tối dêi inâi tơná mot tơ’noăng mơgêi râ má pái phôh thong athế lăm troh a Khu ngăn ‘na hnê hriâm [ă hnê mơjiâng tuăn ngôa rơkê, hok tro kô athế chêh tối tơtro tiô inâi hngêi trung tơ’noăng [ă pâ thế xo tai khoan dêi hngêi trung mê (cho theh kăng kươc lơ hlá kiem tra dêi hok tro) [ă mât khauh vê chêh ‘mot dêi inâi tung khu ki pơkuâ ngăn tơ’noăng.

Khu xiâm ngăn ‘na hnê hriâm [ă hnê mơjiâng tuăn ngôa rơkê ai pơchân tối, hok tro athế rak vế ki dêi mâu tơdroăng ki chêh tối tung tai khoan [ă mât khauh. Tâng ai tơdroăng lơ hiât dêi tai khoan lơ mât khauh, hok tro xuân chiâng êng tơpui tơno [ă hngêi trung, tíu ki hiăng chêh tối inâi hngêi trung vâ tơ’noăng, kô châ vêh pơtroh ăm tai khoan [ă mât khauh nếo.

                                                                                                VOV chêh

Nhat Lisa tơplôu [ă tơbleăng