VOV4.Xơ Đăng - Vâ tăng troăng hơlâ pơtối mơnhông ki dâi khât dêi tơdroăng ki hiăng ai hlâu, ivá rơdêi ăm mơnhông ôm hyô Kon Tum tối krê [ă kơpong Tây Nguyên tối tơchoâm, a pơlê kong kơdrâm Kon Tum tung măng t^ng hdrối, Khu xiâm ngăn ‘na Mơhno túa le\m tro, Ivá [ă Ôm hyô tơru\m cheăng [ă Vi [an hnê ngăn kong pơlê Kon Tum tơku\m po Hneăng tơpui tơno ‘’Ôm hyô Kon Tum - Ai hlâu [ă pói tơngah’’.

Hneăng hôp tơpui tơno ‘’Ôm hyô Kon Tum – Ki ai hlâu [ă pói tưngah’’ hơnăm 2022 tơ’mot hên tơdroăng ki veăng dêi vâ chê 500 ngế cho mâu ngế kăn pơkuâ, mâu ki hriăn ple\ng ‘na pơkuâ cheăng; Khu tơru\m, grup khu mơdró kơvâ ôm hyô, hngêi ăm tơmối kâ koi ối pơtê, pơto chơ kuăn mơngế, kế tơmeăm; mâu kăn troh ing mâu kong pơlê peăng Hdroh Lếo, Peăng mâ hâi lo pá Kơnho\ng kong têa Kul ki dế ai troăng tơkôh tơdjêp tơkăng kong [ă kong pơlê Kon Tum.

Mâu kăn ki veăng hôp

Xông tơpui a hneăng hôp mê, pôa Nguyễn Văn Hùng, Ngế xiâm ngăn ‘na mơhno túa le\m tro, ivá [ă ôm hyô vêh mơnhên tối, Khu xiâm [ă mâu kong pơlê tung lâp tơnêi têa dế ai hên troăng hơlâ, kơhnâ khât tơku\m po mâu tơdroăng cheăng vâ vêh mơnhông tơdroăng ôm hyô klêi kơ’nâi tâ tú pơreăng COVID-19. Hneăng hôp ‘’Ôm hyô Kon Tum-Ki ai hlâu [ă pói tơngah’’ cho roh ki vâ khu mơdró kâ trâm mâ, tơpui tơno, k^ tơkêa tơru\m cheăng ‘na kơvâ ôm hyô. Tiô Ngế xiâm ngăn ‘na mơhno túa le\m tro tối, kong pơlê Kon Tum hiăng ai péa tơdroăng ki kal xiâm vâ mơnhông tơdroăng ôm hyô:

‘’Ngin hlo ai 2 tơdroăng ki xiâm ki Kon Tum hiăng [ă dế ai tu\m vâ pin mơnhông tơdroăng ôm hyô. Tơdroăng ki má môi mê cho Kon Tum ai tu\m ‘na mâu kế tơmeăm khoăng ki ai xêh tung kong kế, [ă tơdroăng mơhno túa le\m tro vâ pin pro ôm hyô, ôh tá xê thu ki klâi [ă mâu kong pơlê ki ê. Tơdroăng ki má péa, kuăn mơngế Kon Tum ki xiâm cho tơdroăng ki tơdrăng khât, kơhnâ tung pêi chiâk pêi deăng, tơ’lêi tơlôm, [ă hơ-ui, khíu pâ dêi rơpó. Ing tơná vâi ki mê vâ tơ’mot khu tơmối mot ôm hyô krá tơniăn ton’’.

Pôa Nguyễn Văn Hùng, Ngế xiâm tơpui a hneăng hôp

A hneăng hôp mê, mâu kăn hiăng tơpui tơno, vêh mơnhên tối tơmeăm khoăng [ă tơdroăng pói tơngah mơnhông ôm hyô dêi kong pơlê Kon Tum tiô kơ tơdroăng ki hlo nhên mê cho khôi túa, vêa vong dêi hdroâng kuăn ngo, hên tíu ki krip tơdro\m le\m, môi tiah ngo Ngọc Linh ối tung Kơpong kong ilâng tơnêi têa Măng Deang, Kon Plông [ă hên he\ng mâu tíu ki ê hía. Maluâ ti mê, vâ mơnhông tơdroăng ôm hyô, tiô pôa Trần Đình Nguyên - Pho\ Yăo sư-Tie#n sih, ngế ki hriăn ple\ng ‘na cheăng kâ, cho Ngế xiâm ngăn ‘na Vie#n cheăng kâ Việt Nam tối, tơdrêng [ă tơdroăng rak vế, pơtối mơdêk ki kơnía git, hên túa, mơdêk kế tơmeăm, Kon Tum kal mơnhông ‘na tơdroăng pêi lo kế tơmeăm vâ kơjo pêi pro tung mơnhông ôm hyô.

‘’Kon Tum kal athế tơru\m cheăng vâ mơnhông ivá. Amê, môi tiah Bờ Y. Vâ Bờ Y châ mơnhông mê Bờ Y athế tơdjêp [ă kong têa Lếo, athế tơdjêp [ă kong têa Kul tro tiô troăng hơlâ ki tơru\m cheăng. Drêng mê Bờ Y nếo mơjiâng mâu tơmeăm khoăng ki ai hlâu vâ thăm mơdêk ivá cheăng kâ ăm ôm hyô. Kal athế thăm mơdêk ‘na troăng hơlâ kơvâ cheăng ki kâi mơnhông ahdrối. Ki má môi pơlê kong kơdrâm Kon Tum, ki má péa Mang Deăng [ă má pái cho ai môi to troăng ki mot tung pái hơlâ tíu tơkăng kong’’.

Veăng tơpui tơno tơdjoâm ivá mơnhông ôm hyô Kon Tum

Tơpui tơdrăng [ă tơdroăng ki pin hiăng hlo, la ôh tá chiâng piu lôi tơdroăng loi tơngah, jâ Trần Nguyện, Kăn pơkuâ ngăn khu mơdró kâ Sun Group tối tiah kố, tung kơvâ ôm hyô Kon Tum tối krê [ă Tây Nguyên tối tơchoâm ai hên tơdroăng ki tá hâi teăm kâi chiâng pêi pro [ă tá hâi teăm tu\m, môi tiah hngêi trăng, troăng prôk; Ôh tá hâi ai khu ki mơ’no liăn cheăng ki kân; Tơdroăng pơkâ vê hdró; Tá hâi kâi châ mơnhông ‘na tơdroăng rơkê tung pêi cheăng ‘na kơvâ ôm hyô [ă hên he\ng mâu tơdroăng ki ê. {ă tâng vâ mơnhông ôm hyô mê athế kâi tah lôi mâu tơdroăng ki xahpá mê:

‘’Kố cho mâu tơdroăng ki kal xiâm păng ‘nâng. Tâng vâ mơnhông mơdêk kal athế tơleăng mơnhên, tah lôi mâu tơdroăng pơloăng mơnúa kố [ă xuân tơngah tiô kơ rơkong tợpui tối dêi ngo [ă tơdroăng ki rơtế pêi pro dêi mâu khu mơdró kâ ki ê xuân veăng kum tíu ki troh a Kon Tum chôa ‘lâng tah lôi mâu tơdroăng ki pơloăng mơnúa [ă pin kô teăm re\ng châ pêi pro nhên, klêi mê, kô re\ng châ prôk tơkâ luâ mâu tơdroăng xahpá’’.

K^ tơkêa tơru\m cheăng mơnhông ôm hyô

A Hneăng hôp ‘’Ôm hyô Kon Tum-Ki ai hlâu [ă pói tơngah’’ hơnăm 2022, Khu xiâm ngăn ‘na mơhno túa le\m tro, tơ’noăng ivá [ă ôm hyô hiăng tối tơbleăng tơdroăng pơkâ mơnhông ôm hyô kơpong 3 hơlâ mơnhông tơtêk cho Kul - Lếo - Việt Nam pơla sap hơnăm 2021-2025, tơdroăng séa ngăn troh a hơnăm 2030; Khu ngăn ‘na Mơhno túa le\m tro, ivá [ă ôm hyô kong pơlê Kon Tum tối tơbelăng, mơhno tối Logo [ă Slogan ôm hyô kong pơlê Kon Tum ‘’Ki rơkê ple\ng ‘na mơhno túa le\m tro-Tí tăng hlê ple\ng ‘na tơmeăm khoăng, kong kế’’, K^ tơkêa tơru\m cheăng ‘na to\ng kum ‘mâi mơnhông tơdroăng cheăng dêi khu mơdró kâ, ôm hyô pơla Kong pơlê Kon Tum [ă Khu râ ôm hyô 3 pơlê kong kân: Hà Nội, Đà Nẵng [ă Pơlê kong kân Hồ Chí Minh; Khu ngăn ‘na mơhno túa le\m tro, ôm hyô [ă ôm hyô kong pơlê Kon Tum xuân hiăng k^ tơkêa tơru\m cheăng [ă Khu tơru\m cheăng ôm hyô Việt Nam vâ thăm mơdêk tơ’mot tơmối mot ôm hyô troh a kong pơlê kố.

Khoa Điềm chêh

Nhat Lisa tơplôu [ă tơbleăng