Ngế pro xiâm hnê ngăn Phạm Minh Chính hiăng mơnê kân ‘nâng khu kăn pơkuâ kong pơlê hiăng đi đo kơhnâ, hbrâ rơnáu thăm tơrŭm cheăng ƀă peăng Việt Nam tung rêm kơvâ cheăng. La ngiâ kố ah, Ngế pro xiâm hnê ngăn pói rơhêng vâ mâu khu mơdró kâ dêi kong pơlê Gunma, kong têa Nhuk, ƀă tơdroăng ki rơkê plĕng, ivá ki ó rơdêi ƀă tơdroăng ki châ loi tơngah dêi tơná, kô pơtối tŏng kum, rơtế prôk ƀă Chin phuh ƀă mâu khu mơdró kâ Việt Nam po rơdâ hnoăng cheăng tơrŭm mơ’no liăn cheăng tung kơvâ ki peá pâ hiăng ai xêh ivá ki ó rơdêi, tơmeăm khoăng ki ai hlâu, tơdrêng amê, mơnhên mâu kơvâ tơrŭm cheăng ki nếo.

Seá mơnhên ngăn Việt Nam cho môi tung tíu ki tê mơdró tơ’lêi hlâu ƀă mơnhông mơdêk; Kăn pơkuâ ngăn kong pơlê Gunma vêh mơnhên tối, kô pơtối tơkŭm po mâu khu mơdró kâ dêi kong pơlê kố lăm troh, pôu ngăn a Việt Nam; ing mê, thăm mơdêk tơrŭm mơ’no liăn cheăng, tê mơdró pơla péa pâ tơnêi têa; pói rơhêng vâ Chin phuh Việt Nam tŏng kum tơ’lêi hlâu vâ khu mơdró kâ kong pơlê Gunma mơ’no liăn cheăng tơ’lêi hlâu a tơnêi têa Việt Nam ƀă hên luâ tâ kơ mê nếo vâ khu mơdró kâ Việt Nam mơ’no liăn cheăng a kong pơlê Gunma.