A rôh tơpui tơno, péa pâ khĕn kơdeăn hnoăng cheăng dêi kơpong ƀă mâu luât pơkâ xua ASEAN pơkuâ. Thươ̆ng thươ̆ng Hoàng Xuân Chiến tối nhên, Việt Nam môi tuăn pêi pro tiô troăng tơpui tơniăn, pơkuâ dêi, hơniâp, tơrŭm; hên troăng, hên túa ƀă luât pơkâ cheăng lêng “Pŭn oh”. Ôh tá veăng tơrŭm tung lêng; ôh tá tơrŭm ƀă kong têa kố vâ tơtrâ ƀă kong têa ki tá; ôh tá ai kong têa ê pro đông lêng lơ xúa mơjiâng tơmeăm khoăng tung tơnêi têa Việt Nam vâ tơtrâ kong têa ê; ôh tá xúa ivá lơ mơnhâu xúa ivá tung tơrŭm cheăng lâp plâi tơnêi.

Tung la ngiâ péa pâ pơtối mơ-eăm mơdêk tơrŭm cheăng, ki kal tung mâu kơvâ cheăng, pơtối pê klêi mâu tơdroăng cheăng, luât pơkâ tơrŭm cheăng;  mơdêk  hnê mơhno mơngế pêi cheăng, tơrŭm pơla khu lêng tuk, lêng tơ ƀai péa tơnêi têa Mơdêk tơrŭm tung mâu kơvâ cheăng môi tiah kring tơniăn măng, pơ’lêh kơxô̆, mâu ngế ngăn pơkeăng lêng, kơmăi kơmok cheăng lêng, luât pơkâ.

Thươ̆ng thươ̆ng Hoàng Xuân Chiến nhoăm krếo thế Kăn xiâm pơkuâ ngăn lêng Singapore rơtế ƀă mâu  khu mơdró Singapore kĕn Việt Nam veăng  leh mơđah tơbleăng um tơmeăm Lêng lâp plâi tơnêi Việt Nam hơnăm 2024.