Vâ pêi pro troăng hơlâ chiâng to pro kăn pơkuâ hnê ngăn cheăng Đảng hlối pro kăn pơkuâ thôn, tung mâu hơnăm hiăng hluâ, tơring Sa Thầy, kong pơlê Kon Tum pêi pro lĕm tro tơdroăng rah xo mơngế pêi cheăng tơniăn ‘na tơdroăng ki hriâm, ivá, hiâm mơno, tơdroăng pêi cheăng ƀă loi tơngah. Tung 64 thôn, pơlê ối tung 11 cheăm, pơlê kân dêi tơring nôkố ai 53 Kăn pơkuâ hnê ngăn cheăng Chi ƀô̆ hlối pro kăn pơkuâ thôn ƀă 11 kăn pơkuâ hnê ngăn Chi ƀô̆ hlối pro Kăn pơkuâ mât trâ̆n thôn.

Pêi pro troăng hơlâ chiâng pro kăn pơkuâ hnê ngăn cheăng Đảng chi ƀô̆ hlối pro kăn pơkuâ thôn, troh nôkố kong pơlê Kon Tum hiăng ai 360 tung tâi tâng kơxô̆ 756 thôn pơlê, tôh kơphô̆ ai kăn pơkuâ hnê ngăn cheăng Đảng Chi ƀô̆ hlối pro kăn pơkuâ thôn, kăn pơkuâ tôh kơphô̆. Ahdrối vâ tơtro ƀă tơdroăng nôkố, hên tơring tung kong pơlê hiăng pêi pro chiâng kăn pơkuâ cheăng chi ƀô̆ hlối pro kăn pơkuâ thôn ƀă kăn pơkuâ Chi ƀô̆ hlối pro kăn pơkuâ tơdroăng mât trâ̆n thôn.