Tơring Đức Cơ hiăng mơjiâng khu hnê mơhno mâu ngế ôh tá ‘nâi chư a tơring, xing xoăng hnoăng cheăng ăm mâu ngế hnê chư tiô rêm cheăm; tơkŭm séa ngăn, gum mâu cheăm ki pá puât. Lối 3 khế kố, rêm kơmăng, lâm hnê chư ăm mâu ngế ôh tá ‘nâi chư a Hngêi trung râ má môi Trần Phú, cheăm Ia Dom, tơring Đức Cơ pơtối bâ on ƀă tâng pơchuât chư.

Lâm hriâm ai 40 ngế cho mơngế hdroâng kuăn ngo troh ing mâu pơlê dêi cheăm Ia Dom, tơring tơkăng kong Đức Cơ, kong pơlê Gia Lai. Tung hneăng hơnăm 2021 – 2025, pêi pro Tơdroăng xiâm tơnêi têa mơnhông cheăng kâ – rêh ối pơlê pơla kơpong kuăn pơlê hdroâng kuăn ngo ƀă kong ngo, kong pơlê Gia Lai pơkâ pêi po 735 lâm hnê chư ăm mâu tơring, pơlê krâm, pơlê kong kơdrâm ăm lối 23.000 ngế ƀă tâi tâng kơxô̆ liăn 47 rơtal liăn.