Tơbleăng a rôh trâm mâ, jâ Trương Thị Mai, Ngế cheăng tung khu kăn hnê ngăn Đảng tối: Luâ 50 hơnăm mơjiâng tơrŭm tơpui kâ, tơdroăng tơrŭm pơla Việt Nam - Nhuk rế ton rế lĕm krá, mơnhông  rơdâ tung hên tơdroăng cheăng pêi sap tơdroăng cheăng kâ, tê mơdró, mơngế ki pêi cheăng...

Malối cho tơdroăng tơrŭm cheăng ‘na hnê hriâm, hnê tơ’nôm ăm mâu kăn ƀô̆ xiâm, khu kăn rak ngăn rêm râ tung mâu hơnăm hdrối cho tíu ki bâ eăng tung tơrŭm cheăng pơla péa tơnêi têa. Sap hơnăm 2013 troh hơnăm 2016, Nhuk hiăng veăng kum hnê ăm 6 to lâm ƀă 500 ngế hriâm.

Sap hơnăm 2018 - 2023, Chin phuh Nhuk kum ăm 500 ngế kum hnoăng liăn hriâm tơ’nôm iâ hơnăm ƀă ton tơnăm, 300 ngế châ kum liăn hriâm thak sih, 25 ngế châ kum hriâm tiê̆n sih ăm Việt Nam.