Ƀă hyôh kong prâi ƀă tơnêi tíu ai hlâu, Gia Lai hiăng mơjiâng ƀă mơnhông mơdêk pro hên kơdrum deăng pêi chiâk deăng tơkŭm hên môi tíu. Hên tơmeăm pê lo ing chiâk deăng tê ai pơxúa hên hiăng châ tê troh 40 to kong têa ƀă tung kơpong.

Nôkố kong pơlê ai 3 kơpong hngêi kơmăi, ƀă pơkâ hdró pro 23 kơpong hên hngêi kơmăi. Hên tơmeăm pêi lo ing chiâk deăng tung kong pơlê, tơniăn, mê cho: Kơphế, kơxu, kơtếo, xik, pôm loăng, chế, plâi kâ... pro xiâm mơnhông cheăng ƀă kơmăi kơmok uâ pơliê têng pro.

A hneăng hôp, kăn teăng mâ mâu tíu pêi cheăng dêi Khu xiâm ngăn tê mơdró dêi kơvâ tê tơmeăm ƀă mâu khu no liăn cheăng, khu mơdró hiăng tối hên tơdroăng vâ mơnhông tê mơdró logistics tại Gia Lai. Mâu kăn tối tiah kố kal mơdêk hên tâ nếo ki hlê plĕng ‘na  logistics ƀă mơnhông cheăng kâ - rêh ối, troăng pêi pro tê mơdró rơtế ƀă mơnhông kơmăi kơmok cheăng logistics ƀă tơrŭm pơla mâu khu mơdró tung kong pơlê, ƀa pá kong dêi kong pơlê.