VOV4.Xơ Đăng - Hâi lơ 15/4, a tíu pêi cheăng Chin phuh, pôa Lê Văn Thành, Ngế pro xiâm phŏ hnê ngăn tơnêi têa pơkuâ po rôh hôp ‘no tơdrêng ing troăng hyôh internet ƀă mâu kong pơlê ‘na pêi klêi túa pơkâ mơjiâng pro on tơhrik tơnêi têa hneăng hơnăm 2021 – 2030, troăng ngăn troh hơnăm 2045 (Túa pơkâ on tơhrik 8). Mơgêi rôh hôp, pôa Lê Văn Thành mơnhên tối khât mâu rơkong ki tơpui tối a rôh hôp ƀă tối tiah kố, mâu rơkong tơpui tối vâ mơhno ivá khŏm mơeăm, pôu râng hnoăng cheăng, séa ngăn kơtăng tung tơdroăng ki kal Rôh hôp, veăng tơpui tối hên tơdroăng, ki kơnía ‘na kơxop hlá mơéa Pơkâ on tơhrik 8. Xua mê Túa pơkâ on tơhrik 8 mâu kong têa tung lâp plâi tơnêi ƀă mâu kong pơlê, khu mơdró kâ, khu ‘no liăn cheăng tơkôm vâ pơkâ troăng ‘no liăn cheăng mơjiâng kơvâ on tơhrik tối tơdjuôm, khu ‘no liăn cheăng tối krê tung hneăng hơnăm ki nếo. Pôa Lê Văn Thành tối nhên pơkâ ki pơxúa tơnêi têa, hdroâng kuăn ngo cho xiâm, ki hdrối tâ cho túa tơmiât rơkê tung hnê mơhno pêi klêi túa pơkâ on tơhrik 8 dêi Chin phuh, Ngế pro xiâm hnê ngăn Chin phuh.

Katarina Nga tơplôu ƀă tơbleăng