Pơkuâ hâi Hôp ai Ngế xiâm phŏ hnê ngăn tơnêi têa Trần Lưu Quang ƀă Mâu ngế pro xiâm,  Kăn ngăn Vi ƀan Kuăn ngo Hầu A Lềnh.  Tối tơbleăng hnê mơhno a hâi hôp, Ngế pro xiâm phŏ hnê ngăn tơnêi têa Trần Lưu Quang tơmâng xo ƀă khĕn kơdeăn mâu hnoăng hiăng mơ-eăm pêi ƀă pêi châ tơƀrê tung tơdroăng cheăng ‘na kuăn ngo hơnăm hdrối.

Laga, pakĭng mâu tơdroăng hiăng châ pêi pro môi tiah tối kơpêng, kơpong hdroâng kuăn ngo ƀă kong ngo xuân ối hên ki xơpá, pơloăng mơnúa ƀă hên tơdroăng kal châ pơtối tơleăng mơnhên tung pơla nôkố. 

Xua mê, Ngế pro xiâm phŏ hnê ngăn tơnêi têa pơkâ thế tung la ngiâ mâu Khu xiâm, kơvâ cheăng, kong pơlê kal tơmâng khât tâ troh tơdroăng cheăng ‘na mâu kuăn ngo, tung mê thế rơkê pêi pro ăm tơtro ƀă túa tơlá ƀă tơdroăng rêh ối, tiô tơmeăm khoăng ai dêi tơrêm tíu. Mơdêk hnê tối vâ pơ’lêh hlê plĕng, pêi pro ƀă tuăn tơmiât dêi kuăn pơlê vâ vâi mơ-eăm tâ; ôh tá loi, ôh tá tơmâng tiô khu ‘mêi pơlông.