VOV4.Xơ Đăng - Pơtối hôp roh má 13, kơxo lơ 12/7, Vi ƀan pơkuâ cheăng Kuô̆k hô̆i hôp mơgêi rôh má 13 ƀă ăm veăng hnê tối rôh apoăng tơdroăng hbrâ rôh hôp má 4, Kuô̆k hô̆i hneăng 15. Rôh hôp má 3, Kuô̆k hô̆i hiăng tơbleăng 5 luât, 17 tơdroăng pơkâ; ăm veăng hnê tối ‘na 6 tơdroăng tơkêa bro luât ki ê ƀă pơkâ hên tơdroăng kal ôh tá xê to tung hơnăm 2022 mê tá pơla hơnăm 2021-2025 ƀă mâu hơnăm pơtối.

‘Na hbrâ tơdroăng kal dêi rôh hôp má 4, pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi: rôh hôp veăng hnê tối apoăng ‘na hbrâ ăm tơdroăng tơpui roh hôp má 4 tiô tối hdrối kô po a khế 10 hơnăm kố. A rôh hôp mê ki kal cho tơdroăng mơjiâng luât, séa ngăn tơbleăng hên tơdroăng tơkêa luât ăm veăng hnê tối roh apoăng xuân hên tơdroăng tơkêa luât. Ƀă tơdroăng mơjiâng luât hên tiah mê, mê tơdroăng hbrâ, tơrŭm ƀă Chin phuh tung pơkuâ rah chêh, kơ koan séa ngăn, mâu tơdroăng chêh ti lâi vâ rôh hôp má 2 pêi tro tiô pơkâ ƀă hlối tơ-brê má môi.

Gương tơplôu ƀă tơbleăng