VOV4.Xơ Đăng - Pơtối tơdroăng dêi rôh hôp má 10 kơxê lơ 18/4, ăm hnê tối ‘na tơdroăng rôh apoăng ’na  tơkêa Luât Séa ngăn, Vi ƀăn pơkuâ cheăng Kuô̆k hô̆i, pơtối rak vế pêi pro ki mơdêk ăm séa ngăn râ tơring vâ hbrâ mơdât kâ kơluâ, mơdât pro ôh tá tro, vâ ’nâi tơdroăng tơdah kuăn pơlê ƀă tơleăng mơnhên mâu tơdroăng xăm phoăng xăm tơkêng. Hên ngế tối pâ thế tí tăng ‘nâi plĕng nhên, vâ ai troăng rơhlâ pơ’lêh nếo tung tơkŭm pêi ƀă pêi cheăng séa ngăn mâu tơdroăng cheăng a râ tơring ăm tơtro ƀă tơdroăng thế rah xo iâ ngế cheăng tung khu kăn, mơdêk tơdroăng cheăng tơluâ, pêt tơ-brê.

Khu séa ngăn tơdroăng cheăng mê troh nôkố xuân ối tơtro, kum Vi ƀan râ tơring ‘na tơdroăng séa ngăn, hbrâ mơdât kâ kơluâ, pro ôh tá tro, ‘na tơdah kuăn pơlê troh pro hlá mơ-eá, ‘na tơleăng mơnhên săm phoăng săm tơkêng. Tiô Tơdroăng, kơxo lơ 19/4, Vi ƀan pơkuâ cheăng Kuô̆k hô̆i ăm hnê tối ‘na tơdroăng séa ngăn dêi Kuô̆k hô̆i; Tơdroăng hbrâ rôh hôp má 3 dêi Kuô̆k hô̆i ƀă Séa ngăn, pơkâ mâu ngế cheăng dêi Vi ƀan séa ngăn Tíu xiâm séa ngăn arak luât.

Gương tơplôu ƀă tơbleăng