Pôa Vương Đình Huệ, Kăn xiâm hnê ngăn Kuô̆k hô̆i xông tơpui pơxiâm po ƀă mơgêi roh kơ-êng ƀă tiâ rơkong kơ-êng kố. Pôa Lê Thành Long, Ngế xiâm pơkuâ hnê arak luât tơkŭm tiâ rơkong kơ-êng kăn teăng mâ Kuô̆k hô̆i ‘na tơdroăng pêi pro tơdroăng mơjiâng luât; mâu troăng prôk rak tơniăn tơdroăng pêi pro, ki tro ‘ló ƀă hô sơ mơ-éa mâu tơdroăng tơkêa bro, mơ-éa hbrâ tơbleăng Chin phuh tơbleăng Kuô̆k hô̆i; troăng mơdêk ki tro ‘ló luât, troăng pơkuâ hnoăng, hbrâ mơdât kâ kơhveăm liăn ngân, tơdroăng ki ôh tá lĕm tro tung mơjiâng luât ối tung hnoăng dêi Chin phuh.

‘Na khu tơdroăng ối tung kơvâ hnoăng dêi Khu xiâm pơkuâ ‘na pêi chiâk deăng ƀă mơnhông thôn pơlê, pôa Lê Minh Hoan, Ngế xiâm tiâ ‘na troăng tah lôi pá puât ăm tê ngi kong têa ê tơmeăm pêi lo ing chiâk deăng, rơtế a mê cho tơdroăng tơnăng, gak ngăn ƀă păn ká xi xŏng; troăng tah lôi “theh mêa” dêi Vi ƀan châu Âu (EC) ƀă ká xi xŏng. Tơdroăng pơ’lêh xiâm kối xúa, xo tơvêh ƀăng tơnêi pêt báu, tơniăn bê kế kâ ƀă tê ngi kong têa ê.