VOV4.Xơ Đăng - Pơtối tơdroăng hôp roh má 11, hâi lơ 13/5, Vi ƀan pơkuâ Kuô̆k hô̆i   séa ngăn tơdroăng kô xing xoăng liăn ngân tơnêi têa pơla hơnăm 2021-2025 ƀă hơnăm 2022 ăm mâu khu xiâm, kơ koan xiâm ƀă kong pơlê pêi 3 tơdroăng pơkâ tơnêi têa; séa ngăn tơdroăng tơ’nôm pơkâ liăn ngân xiâm tơnêi têa hơnăm 2022 tung tơnêi têa xoăng ăm mâu khu xiâm, kơvâ cheăng, kong pơlê ƀă thế veăng hnê tối tơdroăng pơ’lêh liăn mung ki ăm mung nếo, ƀaoh lanh dêi Chin phuh chiâng ăm liăn ngân tơnêi têa.

Pơtối mê, Vi ƀan pơkuâ cheăng Kuô̆k hô̆i xuân thế veăng hnê tối tơdroăng pơtroh ăm Kuô̆k hô̆i  séa ngăn, pơkâ troăng rơhlâ ‘no liăn cheăng pơla roh má 1 mâu tơdroăng tơkêa bro mơjiâng troăng kân tơdrăng lĕm Châu Đốc – Cần Thơ - Sóc Trăng; Khánh Hòa -  Buôn Ma Thuột; Biên Hòa - Vũng Tàu. Mê cho mâu tơdroăng tơkêa bro ki kal dêi tơnêi têa cho dêi Kuô̆k hô̆i pơkâ troăng rơhlâ ’no liăn mơjiâng pro, ai xúa hên liăn ngân tơnêi têa, kong pơlê, liăn ‘no mơjiâng tơmeăm khoăng  ton hơnăm ƀă  liăn mơhnhôk cheăng kâ.

Gương tơplôu ƀă tơbleăng