Vi ban pơkuâ Kuô̆k hô̆i tơmâng tơdroăng chêh pơtroh ăm Chin phuh ‘na pêi pro, ki xơpá tung tơbleăng pêi kơxô̆ 03 pơkâ dêi tơnêi têa tung pơla hơnăm 2021-2023
Thứ bảy, 06:00, 14/10/2023
Tơplôu: Gương/VOV
Tơplôu: Gương/VOV
VOV4.Xơ Đăng - Pơtối tơdroăng tơpui dêi rôh hôp 27, kơxo hâi lơ 13/10, Vi ƀan pơkuâ Kuô̆k hô̆i tơmâng tơdroăng chêh pơtroh ăm Chin phuh ‘na tơdroăng hiăng pêi pro, ki xơpá tơvâ tơvân tung tơbleăng pêi kơxô̆ 03 dêi tơdroăng pơkâ tơnêi têa tung pơla hơnăm 2021-2023 ƀă hlối pâ thế pơkâ troăng rơhlâ pêi pro, luât pơkâ ki xiâm vâ tah ki xơpá, tơvâ tơvân, vâ rĕng châ pêi mâu tơdroăng cheăng tung la ngiâ.
Pôa Nguyễn Chí Dũng, Ngế xiâm ngăn Pơkâ ƀă ‘no liăn cheăng ăm ‘nâi, xơpá tung pêi pro cho xua hrá mơhno luât rak ngăn, tơkŭm pêi mâu tơdroăng pơkâ dêi tơnêi têa sap ing tíu xiâm troh kong pơlê, tơdjâk kân troh tơdroăng tơbleăng pêi mâu tơdroăng xing xoăng, tơkŭm pêi ƀă xo liăn ngân pêi cheăng a mâu khu xiâm, kơ koan xiâm ƀă kong pơlê.
A rôh hôp, pôa Trần Lưu Quang, Ngế xiâm phŏ hnê ngăn Chin phuh tối cho ‘nâng tơdroăng tơbleăng pêi 3 tơdroăng pơkâ dêi tơnêi têa hrá khât. Ngế pro xiâm phŏ hnê ngăn tơnêi têa ăm ‘nâi, Chin phuh tối ăm Kuô̆k hô̆i pơtroh kơxô̆ liăn dêi hơnăm 2023 chiâng hơnăm 2024 ƀă pơkâ thế mâu kong pơlê pro ti lâi thế châ xo tâi liăn ngân ki ăm vâ pêi cheăng tung hơnăm 2023.
Viết bình luận