VOV4.Xơ Đăng - Pơtối tơdroăng roh hôp má 10, hâi kố, Vi ƀan pơkuâ Kuô̆k hô̆i tơpui ‘na tơdroăng tơkêa bro Luât ‘mâi rơnêu, tơ’nôm mâu troăng dêi Luât kơlo kơxo# dêi rơ’jíu tơxâng tiô pơkâ, pơkâ thế dêi roh hơ’lêh cheăng kơmăi kơmok roh má pŭn, pơkâ mot tơrŭm lâp plâi tơnêi ƀă tah lôi mâu tơdroăng tơvâ tơvân, pá puât ki nếo ai ing tơdroăng pơkuâ, tơniăn môi tuăn dêi luât nôkố ‘na pơkuâ, xúa kơlo hyôh mơ’no rơ’jíu, rơkong tơpui. Ai 8 chương ƀă 116 troăng, tơdroăng tơkêa bro Luât séa ngăn pơkâ ‘na tơkŭm po, tơdroăng séa ngăn tơnêi têa; troăng tơmiât pêi, pơkâ ‘mâi rơnêu Luât séa ngăn cho hlê plĕng tŭm pêi pro ƀă pro ăm hlo nhên troăng prôk, troăng pơkâ, troăng hơlâ dêi Đảng ƀă Tơnêi têa ‘na tơdroăng séa ngăn; tơtro ƀă pơkâ pơ’lêh pro mơ-éa tơnêi têa.

A Sa Ly tơplôu ƀă tơbleăng