Troh nôkố, tơdroăng tơkêa bro Luât tê mơdró tơnêi (‘mâi rơnêu) hiăng châ ‘mâi rơnêu, pêi kêi đeăng hên tơdroăng xiâm, châ mâu ngế rơkê kheăn kơdeăn. Laga, pơkâ ‘na kok liăn tung tê mơdró hngêi ối, tơmeăm mơjiâng pro chiâng tung la ngiâ ối hên rơkong tơpui phá tơ-ê dêi pó.

Tơdroăng tơkêa bro Luât tê mơdró tơnêi (‘mâi rơnêu) nếo má môi xuân pơkâ, peăng ki tê ôh tá châ xo hluâ 95% ki kơnâ tơkêa drêng péa pâ rôe tá hâi châ ăm mơ-éa mơnhên hnoăng xúa tơnêi, pơkuâ hngêi ối. 5% ki kơnâ ki ê dêi tơkêa châ chêl liăn drêng kơ koan tơnêi têa ai hnoăng hiăng ăm mơ-éa mơnhên xúa tơnêi, pơkuâ hngêi ối.

Laga, tơdroăng tơkêa bro Luât tơnêi tơníu (‘mâi rơnêu) dế pơkâ ngế ki rôe thế nâp 100% liăn mê Ƀơrô kĭ tơnêi tơníu nếo tơdah hô sơ ƀă pro Mơ-éa mơnhên hnoăng xúa tơnêi.