Tơdroăng tơkêa bro Luât Tơnêi tơníu (‘mâi rơnêu) nếo má môi hiăng châ pêi kêi đeăng, rơnêu nhên, châ mơdêk môi kơteăng tâng pơchông tơdroăng tơkêa bro Luât tơbleăng Kuô̆k hô̆i a Hneăng hôp má 5 pơla kố nah.

Nôkố tơdroăng tơkêa bro Luât ối ai mâu tơdroăng xiâm ki kân ai tơpui phá tơ-ê dêi pó, môi tiah: troăng hơlâ tơnêi tơníu ăm kuăn pơlê hdroâng kuăn ngo; hnoăng pơkuâ ƀă hnoăng cheăng dêi khu cheăng kâ, tíu pêi cheăng tơnêi têa xúa tơnêi mung mơhá liăn rêm hơnăm; tơdroăng pơkâ pơcháu hnoăng xúa ăm ngế ki ê tơnêi pêt báu; pơkâ pêi, pơkâ pêi xúa tơnêi; pơkâ pêi xúa tơnêi râ tơring...

Xo tơvêh tơnêi vâ mơnhông cheăng kâ – rêh ối pơlê pơla xua pơxúa ăm tơnêi têa, pơlê pơla xuân cho tơdroăng ki xiâm tơpui phá tơ-ê dêi pó. Xuân tung hâi kố, Vi ƀan pơkuâ Kuô̆k hô̆i tơpui ‘na tơdroăng tiâ tối, tơmâng xo, ‘mâi rơnêu tơdroăng tơkêa bro Luât Hngêi ối (‘mâi rơnêu).