VOV4.Xơ Đăng - Kơxo lơ 22/6, a kong pơlê Bà Rịa – Vũng Tàu, Tíu xiâm Vi ƀan Tơrŭm tơdroăng khôp Việt Nam, hneăng hơnăm 2028 – 2023 tơkŭm po rôh hôp ôh tá tối hdrối, pôk tơ’nôm mâu ngế cheăng vâ hbrâ ăm Hneăng hôp kân mơngế tiô khôp Việt Nam mơjiâng ƀă rak vế Tơnêi têa hneăng hơnăm 2023 – 2028. Ƀă hiâm mơno pôu râng hnoăng cheăng, tơniăn krê ƀă tơdrăng.

Rôh hôp hiăng tơpui tơno, môi tuăn ƀă kơxop hlá mơ-éa pơkâ mơjiâng Khu tơkŭm po Hneăng hôp kân Mơngế tiô khôp Việt Nam mơjiâng ƀă rak vế Tơnêi têa rôh má 8, hneăng hơnăm 2023 – 2028; Môi tuăn ƀă hlá mơ-éa dêi Khu kăn hnê ngăn ‘na tơdroăng ki tơbleăng mâu ngế cheăng veăng tung Khu pơkuâ, tâi tâng mâu ngế xuân môi tuăn pôk tơ’nôm pôa Nguyễn Văn Toàn, ngế cheăng tung khu kăn hnê ngăn, pro kăn phŏ hnê ngăn Tíu xiâm Vi ƀan tơrŭm tơdroăng khôp Việt Nam hneăng hơnăm 2018 – 2023.

Ing Rôh hôp ki ôh tá tối hdrối kố, mâu kăn xuân châ hnê hriâm ‘na hnoăng cheăng tơkŭm po Hneăng hôp Mơngế tiô khôp Việt Nam mơjiâng ƀă rak vế Tơnêi têa hneăng hơnăm 2023 – 2028.

Katarina Nga tơplôu ƀă tơbleăng