VOV4.Xơ Đăng - Pơtối tơdroăng roh hôp má 10, hâi kố, Viƀan pơkuâ Kuô̆k hô̆i tơpui ‘na tơdroăng tơkêa bro Luât hbrâ mơdât pâm xiê̆n tung rơpŏng (‘mâi rơnêu). Tơdroăng tơkêa bro Luât hbrâ mơdât pâm xiê̆n tung rơpŏng (‘mâi rơnêu) pơkâ tơdroăng hbrâ mơdât tung rơpŏng; mâu troăng hbrâ mơdât, gâk kring, tŏng kum ƀă pơxâu phâk pro xôi luât ‘na hbrâ mơdât pâm xiê̆n tung rơpŏng; pôu râng hnoăng cheăng dêi kơ koan, khu pú hên, rơpŏng, ngế krê tung tơdroăng pêi pro hbrâ mơdât pâm xiê̆n tung rơpŏng. Tơdroăng tơkêa bro ‘mâi rơnêu roh kố pêi pro ƀă on veăng hiăng tơlôi lơ rêh ối tơdjuôm môi tiah on veăng laga ôh tá kĭ mơ-éa hiăng mơjiâng on veăng.  Tơdroăng tơkêa bro Luât xuân pơkâ mâu tơdroăng pro xôi tro mơdât môi tiah: Pơklât, mơhnhôk, kum mâu ngế ki ê pêi pro tơdroăng pâm xiê̆n tung rơpŏng. Lôi ăm pro xôi, veăng kum tung tơdroăng pâm xiê̆n tung rơpŏng. Pro chiâng lo pakong, tơbleăng tơdroăng, pro chiâng tơ-ê tơdroăng ki ai khât ‘na pâm xiê̆n rơpŏng ƀă hên troăng.

            A Sa Ly tơplôu ƀă tơbleăng