VOV4.Xơ Đăng - Kơxê lơ 8/6, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Rajnath Singh, Ngế xiâm pơkuâ ngăn lêng Ấn Độ  dế lăm pôu pêi cheăng a Việt Nam. A rôh tơdah, Ngế pro xiâm hnê ngăn tơnêi têa tối Đảng, Tơnêi têa, Chin phuh ƀă kuăn pơlê Việt Nam nhoăm ƀă đi đo púi vâ mơdêk tơrŭm cheăng tung tâi tâng mâu tơdroăng cheăng pơla Việt Nam - Ấn Độ tung mâu todroăng tơrŭm cheăng ing ton nah ƀă ‘na mơhno túa lĕm tro, mâu tơdroăng ki pơxúa ăm dêi rơpó, loi nhoăm dêi rơpó ƀă hlê dêi rơpó, xuân môi tiah tơhrâ tơchoâm ƀă luât lâp plâi tơnêi.

Việt Nam - Ấn Độ mơdêk tơrŭm cheăng ‘na lêng

A rôh trâm mâ, péa pâ tơpui ‘na tơdroăng tung kơpong ƀă lâp plâi tơnêi ki péa pâ rơhêng vâ ‘nâi plĕng, môi tuăn mơdêk hnê tối, tơrŭm tung mâu hneăng hôp  hên troăng, tơrŭm veăng rak vế hơniâp lĕm dêi Khu lâp kong têa, mơdêk tơrŭm cheăng pơla ASEAN - Ấn Độ, tối nhên hnoăng cheăng ki kal dêi ASEAN tung tơdroăng kring tơniăn kơpong.

Péa pâ tối troăng rơhlâ dêi tơná ‘na ki kal tung tơdroăng pơtối rak tơniăn, pro hơniâp lĕm, tơniăn a têa kơxĭ ƀă a troăng tơ-ƀai a Biển Đông; tơleăng mơnhên tơdroăng tơbriât dêi rơpó ƀă tơdroăng hôp tơpui pro hơniâp lĕm tiô luât lâp plâi tơnêi.

Gương tơplôu ƀă tơbleăng