Việt Nam ƀă Ghana ai hên tơdroăng mơnhông vâ mơdêk tơrŭm cheăng pơla péa pâ
Thứ sáu, 08:17, 10/11/2023
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Pôa Đặng Hoàng Giang, Kăn teăng mâ, Kăn pơkuâ khu ai mâ đi đo Việt Nam a Khu lâp kong têa hiăng ai roh pêi cheăng ƀă kăn teăng mâ Harold Agyeman, Kăn pơkuâ khu ai mâ đi đo Ghana vâ tơpui tơno tơrŭm cheăng pơla péa pâ pơla péa tơnêi têa ƀă tơrŭm a Khu lâp kong têa.
A roh pêi cheăng, pôa Đặng Hoàng Giang tối nhuô̆m tơrŭm cheăng tiô khôi vâi krâ nah lĕm tro ƀă rế hía rế châ rak tơniăn rơdêi pơla péa tơnêi têa tung lối 50 hơnăm hiăng hluâ, ki rơhêng vâ tối mơnê hên tơdroăng tŏng kum kơnâ dêi Ghana tung tơdroăng tơplâ vâ châ tơniăn krê dêi Việt Nam.
Ing tơdroăng tơrŭm lĕm tro, péa pâ môi tuăn Việt Nam ƀă Ghana ai tơmeăm hên vâ po rơdâ tâ nếo tơrŭm cheăng pơla péa pâ tung hên tơdroăng, tá tơdroăng tơpui tơno mâu roh lăm pôu pêi cheăng a mâu râ, po rơdâ tê mơdró, mơ’no liăn cheăng ƀă tơrŭm liăn cheăng tung mâu kơvâ cheăng, tung mê ai on tơhrik ki vêh pro, on tơhrik krúa lĕm.
Viết bình luận