VOV4.Xơ Đăng - Việt Nam nếo châ rah xo cho khu tơrŭm pêi cheăng Vi ƀan Chin phuh – troăng pơkâ pơkuâ, séa ngăn tơdroăng pêi pro Tơkêa 2003 – hneăng hơnăm 2022 – 2026 dêi UNESCO, ƀă kơxô̆ phĭu hên. Kố cho tơdroăng châ tơƀrê ing Hneăng hôp mâu kong têa ối tung Tơkêa rak vế Tơmeăm kơnía Mơhno túa lĕm tro ki ôh tá hlo ƀă mâ dêi UNESCO roh má 9 a Paris. Tung tâi tâng tơkêa Rak vế tơmeăm kơnía mơhno túa lĕm tro ki ôh tá hlo ƀă mâ dêi UNESCO roh má 9 a Paris.

Tung tâi tâng kơxô̆ 12 kong têa châ rah xo pro khu tơrŭm pêi cheăng teăng ăm hneăng cheăng hơnăm 2022 – 2026, ai 4 kong têa a kơpong châu Á – Thái Bình Dương ai Việt Nam, Malaysia, Ấn Độ ƀă Bangladesh. Vi ƀan Chin phuh Tơkêa 2003 ai 24 khu tơrŭm, cho kơ koan pơkuâ ki kal dêi UNESCO ‘na rak vế tơmeăm kơnía mơhno túa lĕm tro ki ôh tá hlo ƀă mâ, pôu râng hnoăng tung séa ngăn pêi pro tơkêa, pơkâ mâu troăng rak vế tơmeăm kơnía ki ôh tá hlo ƀă mâ, tŏng kum lâp plâi tơnêi, séa ngăn mâu hô sơ vâ tơbleăng chêh inâi.

Vâ Hneăng hôp ki kal tơkêa tơbleăng ăm pêi pro. Kố cho roh má 2 Việt Nam pôu râng hnoăng cheăng kố a kơ koan pơkuâ ki xiâm ‘na khôi túa lĕm tro dêi UNESCO.

A Sa Ly tơplôu ƀă tơbleăng