VOV4.Xơ Đăng - Pơtối rôh lăm pôu ƀă pêi cheăng a Mih, pôa Phạm Minh Chính, Ngế pro xiâm hnê ngăn tơnêi têa hiăng trâm pôa John McAuliff, môi ngế pú ki ton hơnăm, nhŏng o tơrŭm dêi Việt Nam ƀă teăng mâ mâu ngế pú Mih môi tuăn tŏng kum mâu ngế ki trếo ‘mêi dioxin a Việt nam. A rôh tơdah, Ngế pro xiâm hnê ngăn tơnêi têa ăm ‘nâi tung mâu tơdroăng ki xiâm dêi rôh lăm pêi cheăng troh a Mih kố cho mơdêk ‘mâi mơnhông klêi kơ’nâi rôh tơplâ.

Việt Nam prếi Mih pơtối tŏng kum mơdêk klêi kơ’nâi rôh tơplâ

Tung pơla hdrối nah, tung hiâm mơno “pơtê tâi tâng mâu tơdroăng ki ton nah, tơmiât troh tơdroăng tung la ngiâ”, Việt Nam prế Mih hiăng pơtối mơdêk mâu troăng hơlâ pêi pro tơƀrê, ai pơxúa tâ vâ hơlêm mâu tơdroăng ki châi heăng tung rôh tơplâ nah. Ngế pro xiâm hnê ngăn tơnêi têa tối, mơnê pôa John McAuliff ƀă mâu ngế pú ‘na mâu tơdroăng ki mơ-eăm dêi pôa ƀă tơdroăng cheăng tơpui kâ kuăn pơlê dêi Việt Nam tung plâ tơdế chal hdrối nah, veăng kum ăm mâu tơdroăng ki ‘mâi mơnhông klêi kơ’nâi rôh tơplâ a Việt Nam; malối hiăng kum hên hiâm mơno, mơheăm chhá, khế hơnăm vâ tŏng kum mâu ngế ki tro trếo ‘mêi dioxin.

Katarina Nga tơplôu ƀă tơbleăng