Klêi kơ’nâi leh tơdah păng ‘nâng, pôa Tô Lâm, Kăn xiâm pơkuâ hnê ngăn cheăng Đảng ai rôh trâm iâ ƀă pôa Lawrence Wong, Ngế pro xiâm hnê ngăn kong têa, klêi mê 2 Ngế kăn pơkuâ kô pro rôh hôp tơpui tơno khu râ kăn xiâm rơtế tơpui ƀă pơkâ mơ’no mâu troăng hơlâ pêi pro vâ pro trâu hơngế tâ nếo tơrŭm cheăng pơla péa Đảng, pro tơdroăng kal kí krá rơdêi ăm tơrŭm cheăng péa tơnêi têa tung la ngiâ.

A rôh tơpui, péa pâ rơtế môi tuăn mâu tơdroăng tơmiât pêi ki kân, ăm tơrŭm cheăng kong têa tơrŭm tung la ngiâ tŭm têk pơla Việt Nam – Singapore mơnhông ai pơxúa, tơƀrê, tơkŭm tung tơdroăng thăm mơnhông loi tung tơdroăng kal kí ing rôh pơtroh khu râ kăn troh a tơnêi têa dêi rơpó, malối cho khu râ kăn xiâm; po rơdâ ƀă pro trâu rơdâ tâ nếo tơrŭm cheăng kâ, tê mơdró, ‘no liăn cheăng; mơdêk tơrŭm ‘na pơhlêh kơxô̆, pơhlêh nếo tơmiât pêi rơkê, cheăng kâ ngiât, on tơhrik krúa; thăm mơnhông tơrŭm tung mâu kơvâ cheăng lêng – gâk kring, túa lĕm tro, hnê hriâm, ôm hyô ƀă trâm mâ kuăn pơlê.

‘Na mâu tơdroăng tung kơpong, péa pâ môi tuăn thăm mơnhông tơrŭm ASEAN mơ-eăm xêh; kro mơdrŏng ƀă mơnhông krá tơniăn, mơdêk hnoăng cheăng tíu xiâm a kơpong.