Luâ 30 hơnăm mơjiâng ƀă mơnhông tơ ƀrê, sap 4 ngế apoăng, nôkố hiăng châ 60 ngế, tung mê ai 8 hdroâng kuăn ngo, cho kơ koan teăng mâ rơ’jíu Việt Nam ki kân má môi dêi Rơ‘jiu Việt Nam. Riân rêm hơnăm, Kơ koan teăng mâ Rơ’jiu Việt Nam kơpong Tây Nguyên chêh lối 2 rơpâu ƀai chêh ‘na hlá tơbeăng.

Mâu tơdroăng tơpui ai 6 nâl kuăn ngo mê cho: Rơđế, Jarai, Bơhnéa, Rơteăng, K’Ho ƀă M’Nông ai hên tơdroăng hơ’lêh nếo pro achê ƀă kuăn pơlê ƀă tâi tâng chôu mơ’no rêm hâi ai 17 chôu 30phut (mơ’no sap 5h00’ troh 22h30’). Tơbleăng a  Rôh hôp, pôa pôa Đỗ Tiến Sỹ, Ngế cheăng tung Khu xiâm pơkuâ hnê ngăn Đảng, Ngế xiâm pơkuâ Rơ’jíu Việt Nam tối, tung la ngiâ kô tơrŭm krá tâ nếo ƀă mâu kong pơlê kơpong Tây Nguyên tung tơdroăng cheăng tối ăm ‘nâi mâu tơdroăng nếo ai, hnê tối troăng rơhlâ dêi tơnêi têa.

Rơ ‘jiu Việt Nam kô pơtối ‘no mơjiâng khu Kơ koan teăng mâ rơ’jíu Việt Nam tung tơnêi têa tối tơdjuôm, ƀă Kơ koan teăng mâ kơpong Tây Nguyên tối krê tá mơngế pêi cheăng, tơmeăm khoăng, kih thuât tiô troăng hnê mơhno hên troăng. Ing mê, mơdêk ki tơƀrê dêi hyôh rơ’jíu ăm troh mâu kơpong hơngế hơngo, kơpong kơtiê xơpá.