VOV4.Xơ Đăng - Hâi lơ 4/9, jâ Trương Thị Mai, kăn pơkuâ tơrŭm Tơnêi têa hiăng ai rôh pêi cheăng ƀă Khu pơkuâ ngăn Đảng ƀô̆ kong pơlê Yên Bái.

VOV4.Xơ Đăng - Kơmăng hâi lơ 4/9 drêng veăng Hôp mâu Kăn xiâm ASEAN rôh má 43 ƀă mâu tơdroăng cheăng pêi tơdjâk troh Jakarta, Indonesia, pôa Phạm Minh Chính - Ngế pro xiâm hnê ngăn tơnêi têa  hiăng tơdah mâu kăn xiâm dêi Mâu Grup ki kân dêi Indonesia.

VOV4.Xơ Đăng - Mơđah tơbleăng um kơchuâ dêi ngế kơchuâ Xu Man – Ngế kơchuâ mơngế Bơhnéa a Tíu ‘măn rak kế tơmeăm kong pơlê Gia Lai dế tơ’mot hên mâu kuăn pơlê tơmối lăm troh ngăn.

VOV4.Xơ Đăng - Pơla hdrối kố nah, pôa Phạm Minh Chính, Ngế pro xiâm hnê ngăn Chin phuh hiăng veăng hôp a rôh hôp ‘no tơdrêng ing troăng hyôh internet mơgêi hơnăm hriâm 2022 – 2023 ƀă hbrâ ăm hơnăm hriam nếo 2023 – 2024.

VOV4.Xơ Đăng - Hdrối pơxiâm mot hơnăm hriâm nếo, Khu râ kăn pêi cheăng dêi Khu xiâm pơkuâ hnê hriâm ƀă hnê mơjiâng tuăn ngôa rơkê xua pôa Nguyễn Kim Sơn, Ngế xiâm pơkuâ hnê hriâm ƀă hnê mơjiâng tuăn ngôa rơkê pơkuâ djâ hiăng lăm séa ngăn tơdroăng hbrâ ăm hơnăm hriâm nếo ƀă diâp kơxuô tơmeăm ăm hok tro kơpong hơngế hơngo kong pơlê Dak Nông.

VOV4.Xơ Đăng - Hơnăm hriâm nếo hiăng troh, rơtế ƀă hok tro lâp tơnêi têa, mâu vâi o hok tro hdroâng kuăn ngo a tơring kơpong hơngế hơngo Dam Rông, kong pơlê Lâm Đồng pơtối pôu kơtong troh hngêi trung ƀă tơdroăng tŏng kum tŭm dêi hngêi trung ƀă pơlê pơla.

VOV4.Xơ Đăng - Mâu krâ pơlê, ngế ki kuăn pơlê loi tơngah (tung mê ai hên ngế đảng viên) a Gia Lai đi đo cho ngế djâ troăng, prôk hdrối ăm tơdroăng pơ’lêh tơmiât, troăng pêi tung kơpong kuăn pơlê hdroâng kuăn ngo. Vâi châ ngăn cho mâu ‘’loăng xiâm kân, rêh ton’’ pro rơngiâp tơniăn ăm pơlê pơla. Hên hơnăm hdrối mê hía nah, mâu ngế ki châ kuăn pơlê loi tơngah, krâ pơlê, kăn pơkuâ thôn cho kông tơdjêp djâ mâu troăng prôk dêi Đảng, troăng hơlâ, luât dêi Tơnêi têa troh ƀă kuăn pơlê.

VOV4.Xơ Đăng - Mot tung hơnăm hriâm nếo 2023-2024, pakĭng rak tơniăn tơdroăng hnê hriâm, mê kơvâ ngăn ‘na hnê ƀă mơhriâm kong pơlê Dak Lak rơtế ƀă mâu khu râ, kơvâ cheăng tung kong pơlê hiăng kơhnâ khât tung mơhnhôk rêm khu râ veăng kum, mơ’no liăn vâ mơjiâng pro nếo, ‘mâi rơnêu bro kế tơmeăm tung hngêi trung, kơbong, lâm hriâm, tăng rôe tơ’nôm kế tơmeăm hnê hriâm vâ rak tơniăn ăm tơdroăng hnê hriâm dêi hok tro. Hương Lý, Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na tơdroăng mê.

VOV4.Xơ Đăng - Hơnăm hriâm nếo hiăng troh, la tơdroăng ki hok tro a kơpong hngế hngo, kơpong hdroâng kuăn ngo troh hngêi trung ôh tá hên cho tơdroăng ki tô tuăn ăm mâu ngế ki pêi dêi hnoăng cheăng hnê hriâm a kong pơlê Dak Lak. Mâu hâi ki kố, kăn ƀô̆, thái cô mâu hngêi trung pakĭng hbrâ rơnáu mâu hlá mơ-éa, yăo án mê ối lăm troh a rêm hngêi, mơhnhôk tơrêm ngế nôu pâ, hok tro ƀă tơdroăng ki rơhêng vâ mâu vâi o troh hngêi trung tŭm. Hương Lý, ngế chêh hlá tơbeăng cheăng tung Rơ’jíu Việt Nam ai chêh tối ‘na tơdroăng ki kố a tơring xơpá Krông Bông, kong pơlê Dak Lak.

VOV4.Xơ Đăng - Tung tơdroăng ki sôk suâ, phiu ro dêi mâu hâi Têt Tơniăn krê, pin vêh hơ’muăn tối ‘na khôi hmâ kăch măng ƀă tơbâ troh Pôa Hồ Chí Minh-Kăn xiâm hnê ngăn hneăng hdrối. Kuăn pơlê hdroâng kuăn ngo Tây Nguyên hâk tơngăm khât ‘na tơdroăng mê.