VOV4.Xơ Đăng - Kơxê lơ 22/11, kong pơlê Lâm Đồng hiăng tơkŭm po hneăng hôp mơnhên tơdroăng cheăng kâ – rêh ối pơlê pơla hơnăm 2022, po rơdâ pêi pro hnoăng cheăng, troăng pêi hơnăm 2023.

VOV4.Xơ Đăng - Klăng leh tơbâ 100 hơnăm hâi kot mâ pôa Võ Văn Kiệt, Ngế pro xiâm hnê ngăn tơnêi têa hneăng hdrối (23/11), kơxê lơ 22/11, pôa Phạm Minh Chính, Kăn cheăng tung Khu xiâm kal kí, Ngế pro xiâm hnê ngăn Chin phuh hiăng chôu nhâng a Kơpong tơbâ pôa Võ Văn Kiệt, Ngế pro xiâm hnê ngăn Chin phuh hneăng hdrối.

VOV4.Xơ Đăng - Tơdroăng pơkâ kơxô̆ 23-NQ/TW hâi lơ 6/10/2022 dêi Khu xiâm ngăn ‘na cheăng kal kí ‘na mơnhông pêi cheăng kâ - rêh ối pơlê pơla ƀă kring vế kơpong Tây Nguyên troh a hơnăm 2030, hnoăng pêi troh a hơnăm 2045 dế châ hnê mơhno, pêi pro tung kăn ƀô̆, đảng viên ƀă kuăn pơlê mâu hdroâng kuăn ngo a kong pơlê Dak Lak.

VOV4.Xơ Đăng - Kơxo lơ 22/11 a Hà Nội, pôa Phạm Minh Chính, Ngế pro xiâm hnê ngăn Chin phuh veăng Hneăng hôp mơgêi pơtân mâu tơdroăng mơdât ma tŭi ƀă pơcháu Kơthô kheăn kơdeăn Kơ koan xiâm kan sát hbrâ mơdât mâu ngế xôi ‘na ma tŭi, Khu xiâm pơkuâ Kŏng an.

VOV4.Xơ Đăng - Pôa Vương Đình Huệ, Kăn xiâm hnê ngăn Kuô̆k hô̆i ƀă mâu kăn xiâm Kuô̆k hô̆i tơnêi têa pin hiăng tơdah  kăn xiâm phŏ kong pơlê Kampong Thom; lăm pôu, pêi cheăng ƀă kŏng ti dêi Grup kơxu Việt Nam a kong pơlê Kampong Thom kong têa Kul.

VOV4.Xơ Đăng - Kơxo lơ 22/11, pôa Nguyễn Xuân Phúc, Kăn xiâm hnê ngăn tơnêi têa ƀă khu kăn Kuô̆k hô̆i Pơlê kong kân Hồ Chí Minh trâm mâ kuăn pơlê a pơlê krâm 10 vâ tơbleăng tơdroăng a rôh hôp má pŭn, Kuô̆k hô̆i hneăng 15.

VOV4.Xơ Đăng - Kơxê lơ 21/11, a pơlê kong xiâm Phnom Penh, kong têa Kul, tung rôh hôp kân mâu kăn Hô̆i đong Tơrŭm cheăng Kuô̆k hô̆i mâu kong têa Đông Nam Á roh má 43 (AIPA 43), pôa Vương Đình Huệ, Kăn xiâm hnê ngăn Kuô̆k hô̆i hiăng veăng hôp hlối ai ƀai pơchuât ki kal a rôh hôp tâi tâng ki má môi.

VOV4.Xơ Đăng - Kơxê lơ 21/11, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh tơdah pôa Maracin Czepelak, Kăn xiâm chêh tôm xo rơkong ối tung dế hnê mơhno má môi lâp plâi tơnêi (PCA) dế ai roh lăm pôu ƀă pêi cheăng a Việt Nam.

VOV4.Xơ Đăng - A tơring hơngế Dak Glong, kong pơlê Dak Nông, tơnêi kân rơdâ, kuăn mơngế iâ, tơdroăng krâ kơmăi camera gâk kring châ pro a tâi tâng mâu cheăm, tơƀrê tung rak tơniăn gâk kring a pơlê, cheăm. Tơdrêng amê kum pơ’lêh tơdroăng ki hmâ, tơdroăng tơmiât dêi kuăn pơlê tiô mâu pơkâ dêi luât, ma lối cho drêng veăng prôk lăm drô troăng kân.

VOV4.Xơ Đăng - Kơxo lơ 21/11, a Hà Nội pơxiâm po Hneăng hôp tơpui tơno kơpong ‘na pêi pro Mơhnhôk dêi Vi ƀan tơkêa ‘na Xut tah lôi mâu tơdroăng pơrah pêi pro ôh tá lĕm ƀă vâi kơdrâi ƀă Vi ƀan Tơkêa ‘na Hnoăng vâi hdrêng ‘na mơnhên kuăn pơlê môi tơnêi têa tung ASEAN.