VOV4.Sêdang - Tơdroăng pơtâng tối, hnê mơhnhôk kuăn pơlê cho môi hnoăng cheăng xiâm tung tơdroăng cheăng dêi Đảng, tơdroăng cheăng kal kí dêi khu mô đo#i pin. Pêi pro châ tơ-[rê tơdroăng pơtâng tối, hnê mơhnhôk kuăn pơlê cho tơdroăng nhua#m pâ, xuân cho hnoăng cheăng dêi ‘’Mô đo#i Pôa Hồ’’ [a\ kuăn pơlê; tơdrêng amê, cho xiâm kối vâ kăn [o#, mô đo#i pêi kêi hnoăng cheăng. Tiah mê, khu mô đo#i a kong pơlê Daknông hiăng pêi pro hnoăng cheăng kố môi tiah lâi? Ngế chêh hlá tơbeăng ai kơ-êng Trung tă Y Ngoan Mlô, kăn pơkuâ khu pơtâng tối, mơhnhôk kuăn pơlê – Ối tung Khu pơkuâ lêng kong pơlê Daknông ‘na tơdroăng kố:

          Êng: Ô pôa, troăng hơlâ dêi Kuân khu 5 ‘na hnoăng cheăng hnê mơhnhôk tung mâu hơnăm hdrối mê hía nah hiăng châ Khu hnê mơhnhôk dêi Khu pơkuâ ngăn lêng kong pơlê Daknông pêi pro môi tiah lâi?

          Trung tă Y Ngoan Mlô: Khu pơkuâ lêng kong pơlê Daknông tung hơnăm nah, kơnôm ai tơdroăng pơkuâ ngăn dêi Đảng ủy Khu xiâm pơkuâ ngăn lêng Kuân khu 5, Đảng ủy kong pơlê Daklak pơkâ thế rak vế, pêi pro hnoăng cheăng lêng, tung mê ai tá hnoăng cheăng hnê mơhnhôk tung khu lêng dêi kong pơlê, kố cho môi tung mâu tơdroăng cheăng ki kal păng ‘nâng.

Khu đông hiăng pêi pro tro troăng hơlâ ki nếo dêi Kuân khu 5, mê cho râk vế, pêi pro ‘’Kơ’lo phái kum ăm mơngế kơtiê’’, ‘’xăm rơpo\ng kơklêa, kơdroh rơpo\ng kơtiê’’ pêi pro tiô tơdroăng pơkâ dêi khu lêng tung mơjiâng thôn pơlê nếo tung kong pơlê. Tung mâu hơnăm hiăng hlâ, tơdroăng cheăng xăm rơpo\ng kơklêa, kơdroh rơpo\ng kơtiê, mê khu lêng dêi kong pơlê hiăng xăm châ lối 4 rơpo\ng kơklêa, kơdroh 12 rơpo\ng kơtiê, veăng kum ăm kuăn pơlê hdroâng kuăn ngo, mâu kuăn pơlê ki kơtiê, mâu ngế xơpá tung lâp kong pơlê châ kơdroh tah ki xơpá tung rêh ối vâ mơnhông mơdêk tung pêi pro tiô hnoăng cheăng mơnhông cheăng kâ, pêi lo kế tơmeăm a kong pơlê kố.

          Êng: Ê cho ‘nâng, tiah mê, tơdroăng khu lêng mơjiâng thôn pơlê nếo dêi kong pơlê hiăng pêi pro mâu tơdroăng ki tơ-[rê klâi?

          Trung tă Y Ngoan Mlô: Tung hơnăm hiăng hluâ, Khu xiâm pơkuâ ngăn lêng kong pơlê Daknông hiăng tơru\m cheăng [ă Vi [an séa mơnhên ngăn dêi Khu kăn Đảng kong pơlê, Ko\ng ti pêi cheăng tiô rơnó, môi tung khu cheăng Đức Lập tơku\m po to\ng kum [ă cheăm Đức Xuyên, tơring Krông Nô. {ă Khu pơkuâ ngăn lêng kong pơlê mê ngin hiăng tơkuăm po roh hnê tối hên tơdroăng cheăng, ki ma lối ‘na troăng hơlâ, luât xiâm dêi Đảng [ă tơnêi têa dêi lối 1 rơpâu ngế ki veăng tơmâng. Ngin xuân hiăng kum hên hdrê pêt, 2 to ro kăn kơnâ 30 rơtuh liăn, mơjiâng hngêi hbruô ru\m tuăn kơnâ 60 rơtuh liăn. Tung pêi pro tiô troăng hơlâ ki hơ’lêh nếo [ă kăn [o#, lêng ối trâm hên xơpá, ngin ai veăng hnê tối ăm khu pơkuâ ngăn lêng kong pơlê mơjiâng môi toăng hngêi ăm pôa K’Sáu, a Khu pơkuâ ngăn lêng pơlê kong krâm Gia Nghĩa, kơnâ 70 rơtuh liăn. Ing mê, pin hlo nhên, tơdroăng ki hnê mơhnhôk dêi khu lêng kong pơlê Daknông tung mâu hơnăm hdrối mê hía nah hiăng châ tơ-[rê hên tơdroăng ki nếo, châ mơnhên tối cho Khu pơkuâ ngăn Đảng ki pêi pro klêi hnoăng cheăng.

          Êng: Pôa tối i nhên tâ ‘na troăng hơlâ ki kum pro hngêi ăm pú tung khu kăn [o#, mơngế lêng ga ti lâi?

          Trung tăng Y Ngoan Mlô: {ă khu pơkuâ ngăn lêng kong pơlê mê 1 hơnăm mơjiâng 1 troh 2 toăng hngêi, tiô tơdroăng hnê pơkuâ dêi Kuân khu. Kố cho ing kơxo# liăn ki veăng rơlo vâ kum mơngế kơtiê, pơkâ chôu hâi ki kum mơngế kơtiê dêi Khu xiâm pơkuâ ngăn lêng. Pơla kố nah, kong pơlê Daknông hiăng pơcháu ai 1 hnoăng cheăng, ngin hiăng chêh bro hlá mơ-éa ki vâ pơxiâm pro, mơni tung khế 11 kố ah kô kêi. Tung mâu hơnăm la ngiâ ah, pơtối mơjiâng hngêi ối, xing xoăng tơnêi ăm mâu kăn [o# ki pá, mê ngin kô thăm kum mâu ngế ki xơpá khât ‘na hngêi ối, malối [ă mâu kăn [o#, mâu lêng.

          Êng: Khu hnê mơhnhôk hiăng pêi pro ki klâi tung hnê tối, tơbleăng khe\n vâ kuăn pơlê hlê ple\ng nhên troăng hơlâ dêi Đảng, Luât xiâm dêi tơnêi têa?

           Trung tă Y Ngoan Mlô: Pơla hdrối kố nah, vâ hnê tối, [ă Khu pơkuâ ngăn lêng kong pơlê, ki rơhêng vâ tối tung roh tâ ph^u pôk khu kăn Kuo#k ho#i hneăng 14 [ă Ho#i đông hnê ngăn kuăn pơlê rêm râ hơnăm 2016-2021, Khu hnê mơhnhôk dêi Khu lêng kong pơlê hiăng tơru\m cheăng [ă khu kăn pơkuâ ngăn Đảng kong pơlê, tơring ăm khu ki hnê tối ‘na mơhno túa le\m tro chu troh a tơrêm pơlê cheăm vâ hnê tối, malối mâu pơlê cheăm kơpong hơngế hơngo, kơtiê xơpá, athế ‘nâi ple\ng nhên ‘na tơdroăng hnê tối tung tâ ph^u rah xo khu kăn tro tiô luât, ôh tí tơmâng mâu rơkong pơlông djâ dêi khu ngế ‘mêi, ôh tá ăm mâu xâ tí tăng tơpui ‘mêi, tí tăng pơlông djâ pro tơ’nhê tơdroăng cheăng kăch măng.

          Tung hơnăm hiăng hluâ, ngin hiăng tơkuăm po 4 hdroh roh hnê tối, lối 10 rơpâu ngế ki veăng tơmâng, pêi pro tiô khu ngế ‘mêi ki tí tăng pro tơ’nhê tơdroăng tơru\m dêi hdroâng kuăn ngo, tí tăng hliăng pro tơ’nhê tơdroăng hơniâp le\m, [ă mâu tơdroăng pêi pro ki ê, vâ tăng troăng pro tơklâ pơla khu hdroâng mơngế. Dế nôkố, mâu pơlê cheăm ki ngin troh hnê tối, mơhnhôk mê kuăn pơlê pơrá hiăng tơniăn pêi cheăng kâ, rêh ối, mơnhông mơdêk tơdroăng rêh kâ ối dêi rơpo\ng hngêi tơná, veăng kum mơjiâng pơlê cheăm rế hía rế ó rơdêi, krá tơniăn tâ.

          Ê, mơnê kơ pôa.

Nhat Li Sa tơplôu [ă tơbleăng