VOV4.Sêdang - Tơdroăng tơpui nâl Jarai dêi Rơ’jíu Việt Nam a kơpong Tây Nguyên hiăng pơxiâm mơ’no a hâi lơ 1 khế 7 hơnăm 1994. Kố cho tơdroăng ki hâk tơngăm tí xê to [ă mâu vâi krâ-nho\ng o hdroâng kuăn ngo Jarai, mê ối cho tơdroăng ki hơniâp ro tợchuâm dêi mâu hdroâng kuăn ngo a kơpong Tây Nguyên. Klăng 22 hơnăm sap ing hâi mơ’no tung hyôh rơ’jíu hâi ki apoăng, troh nôkố, khu rah chêh, tơplôu tơbleăng, tơpui pơchuât nâl Jarai hiăng rơkê ple\ng hên [ă hiăng veăng kum rak vế nâl tơpui, vâ rak vế mơhno túa le\m tro roh nah dêi hdroâng Jarai tung hyôh Rơ’jíu Việt Nam.

          Péa ngế tơpui pơchuât ki apoăng dêi tơdroăng tơpui nâl Jarai dêi Rơ’jíu xiâm Việt Nam ki pơchuât nâl tơpui ai pơtâ tơdrá apoăng cho Kpă Simon [ă Rơ]om H’Ly. 22 hơnăm kơ’nâi mê, pôa Kpă Simon cho ngế ki tơplôu tơbleăng [ă tơpui pơchuât nâl Jarai dế mê nah, nôkố cho Kăn pho\ pơkuâ ngăn kơ koan teăng mâ Rơ’jíu Việt Nam kơpong Tây Nguyên, jâ Rơ]om H’Ly, môi ngế ki ai krôk pơchuât tơleăng le\m, rơmuăn, pro hên ngế kuăn pơlê pói rơhêng vâ tơmâng hiăng vêh pá tá [ă jâ pôa roh nah. Mâu khu rah chêh, mâu ki tơplôu tơbleăng kơ’nâi mê xuân hiăng rơkê tơdroăng cheăng, pơtối rak vế, pêi pro mâu hnoăng cheăng xuân ối kơhnâ khât [ă tơdroăng cheăng tơplôu tơbleăng, tơpui pơchuât, mơjiâng pro mâu tơdroăng ki mơ’no tung rơ’jíu.

          Rêm hâi mơ’no ai 135 phut, tung mê ai 2 tơdroăng nếo ai 15 phut, 1 tơdroăng nếo ai pơtâng tối re\ng 10 phut, 30 phut mâu [ai, tơdroăng hnê tối cheăng kâ tung kơpong Tây Nguyên, mâu tơdroăng ki tối, môi tiah ‘’Rơtế prôk [ă mơngế pêi chiâk, Ivá ăm rêm ngế, Mô đo#i Pôa Hồ Tây Nguyên, Kuo#k ho#i [ă kuăn pơlê, Chin phuh [ă kuăn pơlê, Thôn pơlê nếo, Luât xiâm [ă rêh kâ ối, mê tơdroăng tơpui nâl Jarai hiăng pơtroh ăm kuăn pơlê hdroâng Jarai mâu tơdroăng nếo ai ki re\ng, tơ’lêi, tơtro khât ‘na tơdroăng pêi cheăng kâ, rêh ối, cheăng pơkuâ ngăn, tơdroăng cheăng kal kí, mơhno mơjiâng túa le\m tro, tơdroăng rêh ối tung kơpong [ă tung lâp tơnêi têa, ki hơ’lêh nếo a thôn pơlê, mơhno tối ki le\m tro ‘na mơhno mơjiâng túa le\m tro dêi rêm hdroâng kuăn ngo, hiăng chiâng pú hmâ dêi mâu ki tơmâng rơ’jíu pơlê achê pơlê hơngế. Luâ tâ mê nếo, rơkong tơpui, chu chêh dêi mơngế Jarai hiăng châ rak vế [ă thăm mơjiâng rế hên. {ok thái pơkeăng Rơmah Ban, Kăn pho\ pơkuâ ngăn tíu xiâm pơkeăng dêi tơring Chư Pưh, ngế ki hmâ tơmâng rơ’jíu tơpui nâl Jarai sap ing hâi ki pơchuât mơ’no hâi ki apoăng tối: Tiô á hmâ tâng, mâu vâi ngoh nâ ki tơpui tung rơ’jíu dế kố hiăng tơpui tơleăng, xua pin cho khu rơxông nếo, ôh tá ai mơngế krâ ki djâ troăng la kơdôu mơ-eăm tiah mê hiăng hôm ‘nâng. Luâ tâ mê nếo, mâu vâi ngoh nâ hiăng hmâ lăm hên tíu, tí tăng ‘nâi ple\ng [ă chêh xo tối vâ tơplôu [ă tơpui tiah lâi ăm kuăn pơlê hlê ple\ng cho tơdroăng ki ‘ló mơnê, ối ulâi xuân môi tiah, pêi cheăng tá hâi teăm ton, apoăng hmâ trâm tơdroăng pá, malối tá hâi teăm ai tu\m ‘noăng chu la athế tí tăng hriăn tăng xêh, chêh xo xêh [ă chôa ‘lâng ‘măn broăng, tâng vâ ai tơdrêng hlối cho tơdroăng ki pá. Tiô á tối ăm ‘nâi, mâu vâi ngoh nâ hiăng kơdôu mơ-eăm tiah mê cho hiăng mơnê ‘nâng.

{ok thái pơkeăng Ramah {an veăng hnê tối ‘na nâl Jarai a tơring Chư Pưh, Gialai.

          Pôa Ksor Yin, cho Kăn pho\ hnê hriâm dêi kong pơlê Gialai hneăng hdrối, xuân cho ngế ki hmâ tơmâng tơpui nâl Jarai mơ’no tung Rơ’jíu Việt Nam kơpong Tây Nguyên, ngế ki hriăn ple\ng ‘na nâl tơpui, ‘noăng chu chêh dêi hdroâng Jarai, hiăng châ xúa tung Rơ’jíu Việt Nam. Pôa đi đo tơmâng rơ’jíu, ngăn tung măng Internet chu chêh dêi Jarai [ă hiăng hên hdroh hnê tối ăm tơdroăng tơpui nâl Jarai châ tơ-[rê. Pôa Ksor Yin tối: Ki pá má môi, hdrối nah, tá hâi ai hên ngế ki hnê ‘na nâl tơpui, xua mê, tơná pin ki tí tăng thâo xo, hrik ‘măn, chêh chôu, thăm nếo, athế tơtro [ă kơdrâm mơngế ki tơmâng châ hlê ple\ng, la ki xiâm pin ôh tá rơhêng vâ tiah mê. Tiô á, mâu vâi ngoh nâ ki tơplôu tơbleăng, tơpui pơchuât nâl Jarai tung Rơ’jíu Việt Nam dế nôkố dế pêi hnoăng cheăng ki kân, xua mâu vâi ngoh nâ pơtroh dêi rơkong tơpui troh a rêm ngế kuăn pơlê tơmâng, hlê ple\ng; thăm nếo vâi tơmâng [ă pêi pro [ối re\ng ‘nâng. Pó vâi ngoh nâ tơpui hnê tiah lâi kuăn pơlê kô tơmâng, ma luâ mâu ki tơmâng mê cho mâu ngế ki rơkê ‘na nâl rơpui lơ ôh tá ‘nâi nâl rơpui, vâi kô pêi pro [ối hlối. Pơtih, tâng pin hnê tối tro ga kô le\m, tâng pin topui xôi mê chiâng xôi há. Xua mê, hnoăng cheăng dêi vâi ngoh nâ cheăng tung Rơ’jíu Việt Nam cho kal păng ‘nâng.

Roh tơpui tơno [ă pôa Ksor Yin, Kăn pho\ hnê ngăn hnê hriâm kong pơlê Gialai hneăng hdrối ‘na tơdroăng tơpui nâl Jarai tung Rơ’jíu Việt Nam.

          {ă mâu ki tơmâng Rơ’jíu cho kuăn pơlê pêi chiâk, vâi ôh tá ti xê tơmâng to mâu tơdroăng ki rơngêi ting ting, to\n chêng tơgôu koăng mê ối tơmâng nhên mâu tơdroăng ki hnê ‘na xúa khoa hok kih thuât pêt tơmeăm, păn mơnăn mơnôa, khăm pơlât ivá châ chăn drêng châi tamo vâ pêi pro [ối. Môi tung mâu ngế ki hmâ tơmâng nâl Jarai dêi Rơ’jíu Việt Nam, mê cho pôa Rahlan Hem, ối a Plơi Pyơr, cheăm Ia Pyơr, tơring Chư Prong, kong pơlê Gialai tối ăm ‘nâi: Á hmâ tơmâng mâu tơdroăng tơpui [ă nâl Rơteăng dêi Rơ’jíu Việt Nam, á hmâ tơmâng tơdroăng rơngêi ting ting hên má môi, klêi mê, troh tơdroăng hnê tối ‘na khoa hok pêi chiâk deăng ăm kuăn pơlê, á hlo tơdroăng kố ai pơxúa ‘nâng. A roh tơplâ nah, pôa R]om Yơn a pơlê kong xiâm Hà Nội hmâ hơdruê tung Rơ’jíu xiâm Việt Nam, hmâ mơ’no a rêm hâi t^ng, vâi krâ-nho\ng o ngin hâk vâ tơmâng ‘nâng, ngin hmâ tơku\m môi tíu vâ tơmâng pôa Yơn hơdruê, hâk vâ ‘nâng. Nôkố, pôa Rơ]om Yon hiăng prôk hơngế la kơnom Rơ’jíu Việt Nam ‘no mâu [ai hơdruê dêi pôa ngin tơmâng ro ‘nâng [ă xuân cho ki xiâm vâ mơhnhôk hiâm mơno ngin kơdôu mơ-eăm hên tâ nếo tung pêi chiâk pêi deăng, pêt báu, prá, alâi châ tơ-[rê ‘nâng. Ki má lối, Rơ’jíu hiăng hnê tối vâi krâ-nho\ng o ngin tơru\m, ôh tá tơmâng khu ‘mêi xua Đêga tí tăng lông djâ, ah lơ chiâng pro ‘mêi, hyông troăng; ngin vâ tơmâng [ă tiô troăng Đảng hnê tối, kăch măng hiăng hnê djâ tê.

          Riân sap ing khế 10 hơnăm 2013, ngin hiăng mơjiâng website VOV4.Jarai vâ ăm kuăn pơlê po ngăn. Túa cheăng ki nếo hiăng thăm mơnhông hyôh rơ’jíu dêi nâl kuăn ngo, pơtroh nâl Jarai troh tung lâp lu kuăn pơlê lâp plâi tơnêi. Troh nôkố, tâng vâ riân ngăn, rêm hâi ai lối 1 rơpâu hdroh ngế po ngăn, lối 23 kong têa hiăng po ngăn trang web VOV4.Jarai vâ tí tăng ‘nâi ple\ng ‘na mơhno mơjiâng túa le\m tro, tơdroăng rêh ối dêi kuăn pơlê Jarai. Nâ Rơmah H’Đem ối a Charlotte, Peăng kơnho\ng Caroline, kong têa Mih drêng vêh a pơlê xiâm, cho cheăm Ia Le, tơring }ư\ Pưh, kong pơlê Gialai tối ăm ‘nâi: Rêh ối a Charlotte, kong têa Mih á hmâ po ngăn tơdroăng ki tâ tung măng internet, á hlo tơdroăng tơpui nâl Jarai ‘no tá tơdroăng nếo ai chêh [ă chư Jarai, á hmâ tơmâng [ă pơchuât ngăn đi đo. Á phiu ro ‘nâng, xua hdrối nah, nâl Jarai ôh tá châ tâng, ôh tá châ ngăn chư. Nôkố, rơ’jíu hiăng tơpui mơ’no [ă nâl Jarai [ă hiăng chêh tơdroăng nếo ai ing măng internet á hlo hâk vâ ‘nâng. Rêh ối a tíu ki hơngế ing pơlê, to ton nếo tơpui [ă nâl Jarai xua mê, klê pơchuât [ă tơmâng nâl Jarai á hlo chía ôh tá khíu pâ dêi pơlê [ă xuân athế rơbot dêi nâl xiâm tơná ing trang web kố.

          22 hơnăm hiăng hluâ, tơdroăng tơpui nâl Jarai dêi Rơ’jíu xiâm Việt Nam a kơpong Tây Nguyên, ti xê to tíu ki pơtâng tối, hnê khe\n pơla kuăn pơlê [ă Đảng, Tơnêi têa, mê ối vâ rak vế chư chêh, rơkong tơpui [ă mâu ki kơbía git dêi mơhno mơjiâng túa le\m tro dêi mơngế Jarai. Mâu vâi ngoh nâ o rah chêh, tơpui pơchuât nâl Jarai hâk tơngăm [ă mơnê ‘nâng châ pro tíu ki xiâm pơtâng tối ki kơnía kố [ă kô kơdôu tâi tá hiâm tá mơno toná pêi pro hnoăng cheăng ki Đảng, tơnêi têa [ă kuăn pơlê hiăng pocháu, pơtroh nâl tơpui dêi hdroâng kuăn ngo tơná cho tơdroăng ki hâk tơngăm tung hyôh rơ’jíu Việt Nam.

Nhat Lisa tơplôu [ă tơbleăng