VOV4.Sêdang - {a\ tơdroăng pâ hơ-ui vâi o hok tro kơpong pá puât, ôh tá châ hriâm xêh môi tiah tíu ki ê, cô H’Kim, hnê hngêi trung râ má môi Trưng Vương, cheăm Trường Xuân, tơring Dak Song, kong pơlê Daknông hiăng troh tơrêm rơpo\ng hngêi mơhnhôk nôu pâ hok tro ăm vâi o troh hriâm a hngêi trung. Cô mơ-eăm kum hmê kâ, ếo xâp dêi tơná ăm hok tro maluâ ôh tá ai hên. Klăng hâi lơ 20 khế 11, hâi tơbâ hnoăng cheăng thái cô Việt Nam, Nam Trang, ngế chêh hlá tơbeăng cheăng tung Rơ’jíu Việt Nam kơpong Tây Nguyên ai [ai chêh tối ‘na tơdroăng hnê hriâm, hâk vâ [a\ hok tro dêi cô H’ Kim.

Hơnăm 1995, hiăng plah tơ’noăng mơgêi hriâm kơvâ hnê râ má môi, hngêi trung Đăi hok Tây Nguyên, ngế droh Mnông, H’Kim vêh dêi a pơlê hnê vâi o cheăm Trường Xuân, tơring Dak Song, kong pơlê Daknông. Lối 20 hơnăm hnê a hngêi trung râ má môi Trưng Vương, cô H’Kim tối: - {ă thái cô môi tiah ngin hnê kơpong kơtiê xơpá, pak^ng tơdroăng hnê hriâm, tơdroăng ki kal má môi cho rak ti lâi vâ ăm dêi hok troh lăm hriâm tu\m rêm hâi:

Châ khât gá nôkố, a mâu hngêi trung xuân ối ai tơdroăng ki vâi o lo pơtê hriâm oh tá ‘nâi xiâm ing lâi, môi pâ xuân xua ing nôu pâ vâi ôh tá mơhnhôk vâi mơ-eăm lăm hriâm, ôh tá mơhno troăng ăm kuăn ‘ne\ng kơhnâ hriâm, mê tơdroăng ki hlê ple\ng dêi vâi krâ nho\ng o tung pơlê xuân ối plong kol tá hâi ple\ng [ă hên tơdroăng ki ê. Thái cô ngin xuân khéa há drêng hlo dêi hok tro ôh tá kơhnâ lăm hriâm, vâi to pơtê hriâm, ‘na pơtê oh tá ai tơdroăng klâi, lo pơtê xo xo. Ngin mơ-eăm mơhnhôk mâu vâi o lăm hriâm tu\m, lăm pôu tơrêm hngêi mơhnhôk vâi pro ti lâi vâ mâu nôu pâ vâi [ă mâu hok tro hlê [ă hnối ple\ng tơdroăng lăm hriâm cho kal păng ‘nâng ăm tơná vâi o xo ah hmôi.

Cô H’Kim đi đo achê [ă hok tro hdroâng kuăn ngo

O H’Hương, ối a bon Fâng Play 2, cho môi tung hên kơxo# hok tro hiăng châ cô H’Kim troh a hngêi mơhnhôk nôu pâ thế lông thế dêi kuăn mơ-eăm lăm hriâm. Vâ kum o H’Hương châ lăm hriâm a hngêi trung, cô hiăng veăng ăm hmân ếo ki o vâ xâp lăm hriâm, rôe phái kum ăm rơpo\ng hngêi o, klêi mê, tối ăm nôu pâ [ă tơná o hlê tơdroăng hriâm chư gá ai pơxúa ti lâi ăm tơná o. O H’Hương tối:

Hơnăm kố á hiăng 9 hơnăm, a nếo mot hriâm lâm 1. Hdrối nah, á ôh tá lăm mơhriâm xua ôh tá ai hmê kâ, ôh tá ai hmân ếo xâp. Cô  H’Kim ăm á kế kâ, ăm á hmân ếo lăm hriâm, djâ a lăm troh a hngêi trung. Á vâ ‘nâng lăm hriâm, á vâ ‘nâi chư vâ chiâng chêh inâi tơná, vâ mơhriâm xo ah hmôi ai hnoăng cheăng pêi tơniăn vâ veăng kum dêi nôu pâ.

Hngêi trung râ má môi Trưng Vương ai lối 870 ngế hok tro, tung mê, ai vâ chê 1 kơpêng 3 cho hok tro hdroâng kuăn ngo. Sap ing hơnăm 2009 nah troh nôkố, drêng châ rah xo pro kăn pho\ pơkuâ hngêi trung, cô H’Kim thăm rế ai hên hnoăng cheăng vâ tơmâng khât ăm kuăn ‘ne\ng mâu hdroâng kuăn ngo. Cô ối pro xiâm mơjiâng tôh mơhnhôk mâu nôu pâ, mâu hok tro thế chiân dêi kuăn lăm hriâm, mâu thái cô hnê tơ’nôm. {ă vâi o ki tro hơnăm lăm hriâm la hâi teăm ai hlá mơ-éa khai sanh, cô hnê ăm nôu pâ vâi lăm troh a Vi [an hnê ngăn cheăm pro hlá mơ-éa khai sanh ăm dêi kuăn ‘ne\ng. Kum mâu vâi o kơtiê xơpá ai hmân ếo xâp lăm hriâm, cô ối mơhnhôk mâu ngế tung hngêi trung ki mê [ă mâu hngêi trung achê veăng tơ’lo liăn. Vâ vâi o ki xơpá mê pôi tá kơxiâp lim, cô H’Kim tối ăm hngêi trung pơcháu ăm mâu thái cô hdroâng kuăn ngo veăng pêi hnoăng cheăng ki mê [ă mâu thái cô hnối pơkuâ lâm hnê, tơpui tối nhên [ă péa nâl ăm vâi o hlê, hnối tơ’lêi chúa vế. Kơnôm ing mê, kơxo# hok tro kuăn ngo akố lăm hriâm a hngêi trung rế hên [ă ôh tá ai ngế o ki lâi lo pơtê hriâm. Tiô tơdroăng ki cô H’Kim séa ngăn, thái Đoàn Trung Quế, kăn pơkuâ hngêi Trung râ má môi Trưng Vương ăm ‘nâi:

Mơhúa ‘nâng tung hngêi trung ai kăn pho\ hngêi trung cho cô H’Kim, xua mê, tâi tâng mâu tơdroăng cheăng pêi ki lâi tơdjâk troh mâu hdroâng kuăn ngo xuân môi tiah ‘na tơdroăng to\ng kum mâu hok tro, mê Khu pơkuâ hnêi trung xuân pơcháu ăm cô pơkuâ. Xua rơkong tơpui dêi cô [ă tơdroăng ki loi tơdrêng dêi kuăn pơlê [ă cô, vâi hmiân tuăn hên tâ. Cô H’Kim cho mơngế ki kơhnâ vâ tơdroăng cheăng pêi tung mơhnhôk pêi pro, cô pêi kơhnâ khât.

Hok tro hngêi trung Râ má môi Trưng Vương mơđah hơdruê xuâng koh hâk tơbâ hâi hnoăng cheăng thái cô Việt Nam

Lối 20 hơnăm hnê, lối 20 hdroh leh tơbâ Hâi mâu thái cô Việt Nam, cô H’Kim [ă mâu thái cô hnê kơpong kơtiê xơpá, tơmeăm ki mơhá kân ăm thái cô mê châ hlo vâi o lăm hriâm, xah hêi ro tung plông hngêi trung dế kong tô. Cô H’Kim tối:

Troh hâi tơbâ hâi lơ 20 khế 11 rêm hơnăm cho hâi leh kân hnoăng cheăng dêi mâu thái cô, tơdroăng ki ngin púi vâ, [ă tơdroăng ki pro ngin hơniâp ro má môi cho mâu vâi o hok tro kơhnâ lăm hriâm rêm hâi, hriâm rơkê, loi nguăn dêi nôu pâ, thái cô. Mê cho tơmeăm khoăng ki pơxúa kân hluâ tâ mâu tơmeăm ki ê ki vâi o ăm thái cô. Mê cho tơmeăm ki ngin đi đo púi vâ vâi o hok tro ăm thái cô tung hâi lơ 20 khế 11’’.

Gương tơplôu [ă tơbleăng