VOV4.Sêdang - Ko\ng ti pêi cheăng tiô rơnó môi khu lêng mô đo#i kơxo# 715, ối tung {inh đoân 15, Khu xiâm pơkuâ cheăng lêng cho đông lêng pêi cheăng kâ, mơjiâng pro đông a 4 cheăm tíu tơkăng kong dêi tơring Ia Grai, kong pơlê Gia Lai. Mơjiâng pro đông a tíu ki kơtiê, hên tơdroăng ôh tá tơniăn ‘na cheăng kal kí tung pơkuâ ngăn. Mâu hơnăm hiăng hluâ, Ko\ng ti hiăng po rơdâ hên tơdroăng cho rế vâ rak tơniăn tung pêi cheăng kâ, rế séa ngăn tơdroăng [a\ tơniăn ki tơmiât tung kơpong kuăn pơlê rêh ối, cheăng kâ, vâ rak tơniăn le\m, plâi tơtô a kơpong tíu tơkăng kong. {ai dêi ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai mơnhên ‘na tơdroăng mê.

            Ngoh Rmah Phong, mơngế a pơlê Plei Ó, cheăm Ia O, tơring Ia Grai tối, chât hơnăm hdrối nah, pơlê Ó dêi ngoh cho pơlê achê tíu tơkăng kong ki kơtiê: Hngêi trăng ôh tá kân le\m rơdâ, kuăn pơlê plâ hơnăm to lăm pêi chiâk deăng, hên rơtăm tung pơlê châ tơdah xo pro ko\ng nhân kúa chhá kơxu ăm đông lêng, pêi lo liăn tơniăn, pơtối châ hnê rak ngăn loăng plâi tung kơdrum hngêi dêi tơná, xua mê tơdroăng rêh ối dêi kuăn pơlê choâ ‘lâng hơ’lêh. Tung hngêi trăng kân rơdâ lối 400 rơtuh liăn nếo mơjiâng pro kơtăn kố ai 2 hơnăm, ngoh Rmah Phong tối, tâi tâng mâu kế tơmeăm khoăng ki rơpo\ng á ai hâi kố, ki hên kơnôm tơdroăng veăng kum dêi ko\ng ti kơxo# 715: Nah cho pá puât ‘nâng, xua lăm chiâk deăng laga ôh tá ai hmê kâ. Troh nôkố, ko\ng ti hiăng pro tơ’lêi hlâu tăng cheăng pêi ăm. {a\ xuân hiăng ‘nâi rak ngăn kơdrum loăng plâi xông ngiât le\m, kúa châ hên chhá kơxu, pêi lo liăn tơniăn ăm mâu ngế pêi cheăng. Tâi tâng ko\ng nhân a pơlê Ó sôk ro khât.

            Vâ kum pro mâu pơlê ki kơtiê, ôh tá hlôh hlê kố dêi mơngế Jarai a Ia O, chiâng mâu pơlê ki kro mơdro\ng, phâi tơtô môi tiah hâi kố, hên hơnăm hiăng hluâ, Ko\ng ti pêi cheăng tiô rơnó môi khu lêng mô đo#i 715 hiăng po rơdâ hên tơdroăng lăm pơtâng tối, mơhnhôk hnê, tung mê ki má môi cho tơru\m pơla mâu rơpo\ng. Ki nhên, tung 1 ngế ko\ng nhân kúa chhá kơxu ăm khu lêng ai mơngế Xuăn pro nho\ng o [a\ 1 rơpo\ng ko\ng nhân kúa chhá kơxu ăm khu lêng tung pơlê mê. Rêm hâi mâu rơpo\ng kố tơru\m, hriâm a dêi pó mâu kih thua#t pêi cheăng, kum dêi rơpó tung pêi chiâk deăng [a\ tơdroăng rêh ối. Rơpo\ng ki rơkê ‘nâi kih thua#t tung pêi chiâk deăng, rơkê kúa chhá kơxu, mê hnê ăm rơpo\ng ki tá.Tung tơdroăng rêh ối, vâi ngăn dêi pó môi tiah nho\ng o môi rơpo\ng, mơhnhôk, lăm kơ-êng, hriâm tâp, kum dêi pó hơ’lêh túa pêi ki ton, ôh tá rơkê tơtro, hơ’lêh tơdroăng rêh ối. Môi pơla, túa tơru\m pơla mâu rơpo\ng hiăng mơnhên ki châ tơ-[rê tung tơdroăng mơnhông cheăng kâ ăm vâi krâ nho\ng o hdroâng kuăn ngo tung pơlê, kum tơniăn tơdroăng cheăng kal kí tung pơkuâ ngăn. Thie#u tă Lương Tú Sơn, Kăn Đăi đo#i dêi Đo#i 1, ối tung Ko\ng ti pêi chea\ng tiô rơnó môi khu lêng mô đo#i kơxo# 715 tối ăm ‘nâi:Tung tơdroăng lăm kơ-êng, đông lêng ‘nâi tơ’nôm hên tơdroăng. Xua tung pơlê hdrối nah ai mâu rơpo\ng tiô khôp Tin lành Đêga. Lăm amê đông lêng kô tơpui tơno, ‘nâi tơdroăng tơmiât dêi rêm rơpo\ng tung pơlê. Ing mê, teăm hnê mơhnhôk vâi.

            Nôkố, Ko\ng ti pêi cheăng tiô rơnó môi khu lêng mô đo#i kơxo# 715, ối tung {inh đoân 15 dế pôu râng hnoăng cheăng a 4 cheăm kơpong tíu tơkăng kong Ia Grai. Hdrối nah, kơpong kố đi đo ai mâu ngế kơtâu hdâ tơkâ tíu tơkăng kong ôh tá tro luât, ai kuăn pơlê tiô khôp Tin lành Đêga. Vâ tơniăn tơdroăng tíu tơkăng kong, pák^ng pêi pro hnoăng cheăng kâ, Ko\ng ti pêi cheăng tiô rơnó môi khu lêng mô đo#i kơxo# 715 hiăng tơru\m krá tơniăn [a\ khu râ kăn cheăng Đảng, khu kăn pơkuâ cheăm, mâu khu lêng, môi tiah ko\ng an, mô đo#i gâk tíu tơkăng kong [a\ hía hé. Ing tơdroăng pơtâng tối, ko\ng ti ‘nâi nhên tơdroăng, hiâm mơno tơmiât dêi kuăn pơlê, re\ng teăm hnê mơhnhôk, mơdât mâu ngế ki pro ôh tá tơniăn ‘na tơdroăng kal kí a kơpong tíu tơkăng kong. Pák^ng mê, ko\ng ti pêi pro hên troăng hơlâ kơjo kum hên nho\ng o tung pơlê, kum mâu thôn pơlê mơjiâng thôn pơlê nếo, mơjiâng tơdroăng rêh ối mơhno mơjiâng túa le\m tro, hơ’lêh tung tuăn tơmiât, mơno ai, túa pêi ki rơkê ăm kuăn pơlê. Mâu tơdroăng hơ’lêh ‘na cheăng kâ, rêh ối pơlê pơla a cheăm, kum rak tơniăn tơdroăng cheăng kal kí. Hên hơnăm achê kố, ôh tá ai xếo tơdroăng kơtâu hdâ tơkâ tíu tơkăng kong ôh tá tro luât [a\ tơdroăng tiô khôp Tin lành Đêga tung cheăm. Pôa Rah Lan Diếc, kăn pơkuâ pơlê Ó, cheăm Ia O, tơring Grai tối: Sap ing ko\ng ti mơjiâng, đông lêng pro tung cheăm, kuăn pơlê ko\ng nhân sôk ro. Klêi kơ’nâi mơjiâng, mê tơdroăng cheăng, rêh ối dêi kuăn pơlê Ó mơnhông tơtêk re\ng, tơniăn tơdroăng rêh ối, veăng kum ‘na kơvâ cheăng mô đo#i. Sap hơnăm 2004 troh nôkố ôh tá ai xếo tơdroăng ki ôh tá tơniăn ‘na kal kí, ôh tá ai xếo ngế kơtâu hdâ tơkâ hluâ tíu tơkăng kong lăm a kong têa Kul ki ôh tá tro luât.

        Vâ pó vâi krâ-nho\ng o hlê ple\ng nhên ‘na troăng hơlâ dêi Đảng ủy, Khu kăn pơkuâ Ko\ng ti pêi cheăng tiô rơnó môi tung khu lêng mô đo#i kơxo# 715, {inh đoân 15 tung tơdroăng pêi chiâk deăng, tê mơdró kâ, xuân môi tiah tơdroăng pêi pro tiô hnoăng cheăng kring vế hnoăng pơkuâ ngăn pơlê pơla a tíu ki pro đông pơkuâ ngăn, mê kơ’nâi kố, ngin ai tơpui tơno [ă Đăi tă Hòang Ngọc Thành, Kăn pơkuâ hnê ngăn Đảng ủy, Kăn pho\ pơkuâ ngăn Ko\ng ti pêi cheăng tiô rơnó môi tung khu lêng mô đo#i kơxo# 715, {inh đoân 15 ‘na tơdroăng mê.

        Êng: Ô pôa, pôa tối ăm vâi krâ-nho\ng o ‘nâi ‘na tơdroăng pơkâ dêi Đảng ủy, Khu kăn pơkuâ ngăn Ko\ng ti tung hnoăng pêi cheăng kâ a kố ga ti lâi?

        Đăi tă Hòang Ngọc Thành: Ko\ng ti 75 pêi pro tiô hnoăng cheăng ki pêi cheăng kâ, ai tơdjâk troh tơdroăng kring vế pơlê pơla tung 4 to cheăm dêi tơring Ia Grai, kong pơlê Gia Lai. Akố cho pơlê cheăm ối kơpong hơngế hơngo, achê tíu tơkăng kong. Ing ko\ng ti kố lăm troh a kong têa Kul tâng riân tiô troăng chêm kơneăng dâng 12 km. Pơlê cheăm hơngế hơngo tiah mê, la mâu hngêi trăng, troăng prôk nếo mơjiâng pro achê pơla kố sap hơnăm 2004 nah. Mâu kuăn pơlê akố, tơdroăng rêh kâ ối trâm hên xơpá, ki hlê ple\ng dêi kuăn pơlê xuân tá hâi hên. Rêm hơnăm, pak^ng tơdroăng cheăng xiâm cho pêi chiâk deăng, tê mơdró kâ, mê Khu kăn pơkuâ hnê ngăn Đảng ủy, Khu kăn pơkuâ ngăn Ko\ng ti xuân mơnhên tối hnoăng cheăng dêi khu lêng gak ngăn pơlê pơla [ă hnoăng cheăng hnê mơhnhôk kum kuăn pơlê mơnhông mơdêk pêi cheăng kâ, kơdroh tah kơklêa xuân cho môi hnoăng cheăng kal kí, ai pơxúa ton xo\n la ngiâ.

       Ngin xuân hiăng ai troăng hơlâ kum kuăn pơlê rơkê ple\ng xêh túa cheăng kâ, mơnhông mơdêk tơdroăng rêh ối kuăn pơlê. Ngin xuân hiăng kum ăm kuăn pơlê mơnhông mơdêk tơdroăng rêh ối, ‘na mơhno mơjiâng túa le\m tro, ki xiâm cho vâ kum ăm kuăn pơlê ai tơdroăng cheăng pêi tơniăn [ă ‘nâi rơkê tung pêi chiâk pêi deăng vâ tơniăn ăm tơdroăng rêh kâ ối ăm tơná kuăn pơlê.

         Êng: Tung mâu khế hơnăm hiăng hluâ, Ko\ng ti hiăng pơkâ mâu troăng hơlâ, tơdroăng cheăng ki klâi vâ rế pêi pro tro tung pêi chiâk pêi deăng, tê mơdró kâ, rế rak vế tơniăn cheăng gak ngăn, kring vế pơlê pơla?

        Đăi tă Hòang Ngọc Thành: Rêm hơnăm, ngin hiăng kơjo kum tăng rah xo mơngế pêi cheăng cho hdroâng kuăn ngo akố, ré kum ăm kuăn pơlê ai cheăng pêi tơniăn, châ mơdêk tơdroăng rêh kâ ối nếo. Hnoăng cheăng dêi đông lêng cho pêi cheăng kâ, kum kuăn pơlê châ tơtêk tung rêh kâ ối. Ki má péa nếo, ngin kum kuăn pơlê pêi tiô kih thuât vâ rak ngăn [ă hơ’lêh mâu hdrê loăng plâi ki ôh tá dâi vâ kuăn pơlê pêt mơjiâng loăng kơxu, kơdrum tiêu, loăng hôt, kum kuăn pơlê mâu hdrê loăng, hdrê mơnăn vâ kuăn pơlê mơnhông mơdêk pêi cheăng kâ. Akố, ngin ối mơjiâng pro hngêi pơkeăng ăm kuăn pơlê, vâ kuăn pơlê drêng châi tamo troh khăm pơlât. Rêm hơnăm, ngin hiăng pơlât lối 1 rơpâu hdroh mơngế, ki hên tâ cho kuăn pơlê. Ngin xuân hiăng hnê mơhnhôk mâu rơpo\ng tơru\m tung pêi cheăng kâ, mê cho troăng hơlâ pơkâ dêi [inh đoân. Dế kố, ko\ng ti ai 455 rơpo\ng ko\ng nhân cho mơngế Xuăn tơru\m cheăng [ă mâu ngế ko\ng nhân cho hdroâng kuăn ngo ki rêh ối akố. Ing tơdroăng tơru\m cheăng mê, kuăn pơlê ngăn dêi pó môi tiah môi rơpo\ng hngêi, to\ng veăng dêi pó mơnhông mơdêk pêi cheăng kâ rêh hâi ‘na mơhno mơjiâng túa le\m tro, ‘na pêi cheăng kâ. Pak^ng tơdroăng mơhnhôk kuăn pơlê [ă to\ng veăng vâi krâ-nho\ng o pêi cheăng kâ, mê ngin ối pêi pro tro ‘na hnoăng cheăng kring vế pơlê pơla. Ngin ai pơkâ nhên tiah kố, tơdroăng gak ngăn, kring vế tơdroăng rêh ối dêi kuăn pơlê cho hnoăng cheăng xiâm, pêi pro ton tá ah. Nhin đi đo tơru\m cheăng [ă khu râ Đảng, khu kăn pơkluâ pơlê cheăm, mâu khu ko\ng an, khu lêng kuăn pơlê gak ngăn, kring vế tơdroăng rêh ối, pêi cheăng dêi kuăn pơlê ki rêh ối tung pơlê cheăm, ngin ai lêng ki lăm pơtrui ukố umê vâ ti lâi kring vế tơniăn kuăn pơlê pêi pro tro tiô tơdroăng ki mơhriâm lêng [ă pêi pro tro tiô tơdroăng hnê tơdjâ dêi {inh đoân, tơru\m cheăng le\m tro [ă khu kăn pơkuâ ngăn {inh đoân [ă khu lêng dêi Kuân khu V, ko\ng an kong pơlê, khu lêng dêi Ia Grai [ă ko\ng an Ia Grai vâ gak kring tơniăn ăm tơdroăng rêh ối pơlê pơla.

        Êng: Pôa tối ‘na ki châ tơ-[rê ing tơdroăng mơ’no pêi tiô tơdroăng hiăng pơkâ pro tiah tơdroăng hiăng tối?

        Đăi tă Hòang Ngọc Thành: A pơla hơnăm 2014 – 2015, a kơpong kố ai mâu kuăn pơlê ki kơtâu hdâ tơngiâ kong têa ê. Kuăn pơlê a kơpong ki pơrá phá dêi pó troh akố, ai mâu ngế ki ‘mêi, lu lêa, tí tăng tong lu lêa tơdroăng loi t^ng, tiô khôp, ‘na kơvâ kuăn ngo vâ pơlông djâ kuăn pơlê pro mâu tơdroăng ki ôh tá tro luât. Ngin ai tơru\m [ă mâu Đông gak tơkăng kong 707 [ă 719 vâ teăm hbrâ mơdât kuăn pơlê ki kơtâu hdâ mê. Kuăn pơlê akố tiô 2 tơdroăng khôp Tin Lành peăng hdroh Việt Nam [ă khôp Pâ Xeăng. Ai mâu ngế ki ê tí tăng mot tung pơlê vâ hnê tối phá tơ-ê, ôh tá tro luât vâ tơpui ‘mêi, pro ‘mêi troăng hơlâ dêi Đảng [ă tơnêi têa. Ki tơ’lêi hlâu cheăng ngin kố, mê khu pêi chiâk deăng lêng rêh ối tơchuâm [ă kuăn pơlê. Xua mê, drêng ai mâu ngế ki kơtâu hdâ tơngiâ kong ê, lơ pêi pro mâu tơdroăng xôi ki ê kô ai mơngế ki tối pơtâng. Ngin tơru\m cheăng kô kâi châ mơdât khu ngế pro xôi. Tung mâu hơnăm hiăng hluâ, tơdroăng rêh kâ ối pơlê cheăm, kring vế pơlê pơla a kơpong kố hiăng chía tơniăn.

        Êng: Hôm, mơnê êh pôa.

Nhat Lisa prế A Sa Ly tơplôu [ă tơbleăng