VOV4.Sêdang - Hâi lơ 21 khế 2, mâo kong têa kơpong Arập Thống Nhất dó inâi UAE ai môi roh on chếo kâ ó a pơlê kong xiâm Abu Dhabi pro 10 ngế hlâ [a\ 8 ngế ki ê tro rong.

Mâo khu chêh hlá tơbeăng ăm ‘nâi, roh on chếo kâ a kơxo má lơ 21 khế 2, a môi toăng hngêi 2 râ, cho tíu ối dêi mâo ngế pêi cheăng dêi kong têa ê, mâo ngế ki pêi cheăng kố rêh ối pêi cheăng ôh tá tro luât a Abu Dhabi.

Tiu khu chêh hlá tơbeăng dó inâi ‘’Tơdroăng nếo ai kơpong kung king’’ pơxá inâi Gulf News ăm ‘nâi, on chếo kâ ho\ng râ má môi, drêng mâo ngế pêi cheăng ối kôi. Kan sat Abu Dhabi hiăng rup ngế ki pơkuâ hngêi kố, tơdrêng amê pơkâ thế rup mâo ngế ki ai tơdjâk.

Kan sat tối ăm ‘nâi inâi kong têa dêi mâo ngế kông nhân pêi cheăng kong têa ê ki tro rong kố, laga tối vâi lo ho\ng kong têa phá tơ-ê dêi rơpó. Xiâm kối on chiâng chếo dế châ kan sat séa ngăn vâ tơleăng mơnhên.

On chếo kâ dâng a 2 chôu kơxo gâ, tiu chôu kong têa kố a râ 50 dêi hngêi ki xo\n châ 79 râ kố. Mâo ngế [ok thái pơkeăng tối ăm ‘nâi ôh tá ai ngế ki lâi tro rong tung ro on chếo kâ mê. Dế nôkố hiăng tơpâ on.

Sa Ly tơplôu