VOV4.Sêdang - ‘’Ngế kơdrâi tie#n sih dêi pơlê’’ cho inâi châ hên ngế hâk vâ [a\ pro inâi ăm cho Tie#n sih Tuyết Nhung {uôn Krông, Kăn pơkuâ môn ngưh văn kơvâ sư phăm, xuân cho kăn pho\ pơkuâ Tíu xiâm hriăn ngăn khoa ho\k pơlê pơla [a\ ‘na ki le\m tro ‘na reh ối kuăn mơngế Tây Nguyên, hngêi trung Đăi ho\k Tây Nguyên. {a\ mâu tơdroăng veăng kum tung hriăn ple\ng khôi túa le\m tro mâu hdroâng kuăn ngo, ki rơhêng vâ tối akố, cho khôi túa vâi krâ nah dêi Rơđế [a\ mâu hdroâng kuăn ngo ki ê a kơpong Tây Nguyên, tie#n sih Tuyết Nhung hiăng kum hên tung hriăn ple\ng ‘na khôi túa le\m tro dêi hdroâng kuăn ngo troh a kuăn pơlê tơtro má môi, tu\m tâ. Klăng hâi mâu vâi kơdrâi lâp plâi tơnêi lơ 8 khế 3, pó rơtế tí tăng ‘nâi roh tơpui tơno pơla ngin [a\ tiên sih Tuyết Nhung {uôn Krông, vâ hlê ple\ng tơ’nôm ‘na mâu tơdroăng mơ-eăm dêi môi ngế kơdrâi Rơđế mơ-eăm tâi ivá tơná vâ châ tơ-[rê tung tơdroăng rêh ối nếo.

Êng: Koh tie#n sih Tuyết Nhung! Hvái ngăn hnoăng cheăng [ă mâu tơdroăng cheăng hiăng pêi klêi tung hơnăm 2015, tơdroăng klâi pro nâ tơtro\ng má môi?

Tiâ: Hơnăm 2015, á xuân pêi hên tơdroăng cheăng, pák^ng hnoăng cheăng hnê a hngêi trung Đăi hok Tây Nguyên, á ối pơkuâ ‘na mâu hnoăng cheăng ki tơdjâk troh tơdroăng ki hriăn ngăn ‘na khôi túa le#m tro hdroâng kuăn ngo tơná. Tơdroăng tơmiât rơhêng vâ má môi cho tơdroăng ki á [ă ngoh Võ Văn Hải hiăng chêh môi kơxop hlá mơéa [ă loăng hơ’muăn tối ‘na tơdroăng rêh ối, hnoăng cheăng dêi Thái Y Jut Hwing, sap ing rôh ki hnê [ă mơjiâng chư Rơđế xuân môi tiah tung pơla thái veăng tung mâu tơdroăng pêi pro kăch măng. Thái Y Jut H’Wing cho ngế ki mơjiâng chư chêh Rơđế ối châ xúa tá troh hâi kố. Troh nôkố kơxop hlá mơ-éa kố hiăng klêi, cho môi kơxop hlá mơéa ki kơnía, châ chêh [ă 4 nâl: Rơđế, Xuăn, Pơhlăng, Ăng-glê. Tơdroăng ki xiâm tung mê ai tu\m mâu tơdroăng ki tơdjâk troh ‘nâ kơjôi, inâi, pơlê xiâm, rơpo\ng hngêi [ă ngế thái Y Jut H’Wing xuân môi tiah mâu tơdroăng ki thái rơhêng vâ, pơtroh vâi krâ nho\ng o tơná ho\ng chư chêh kố.

Êng: Châ ‘nâi cho kơxop hlá mơéa nâ nếo tơpui troh hiăng châ tơbleăng ăm kuăn pơlê a khế 11 hơnăm 2015. Ing tơdroăng klâi pro nâ mơjiâng tơdroăng tơmiât vâ chêh kơxop hlá mơéa kố?

Tiâ: Sap ing hiăng ton, xuân ai hên hngêi trung phôh tho\ng rêm râ krâ inâi thái Y Jut, tá inâi troăng xuân châ chêh tiô inâi thái, la tá hâi ai kơjôi, inâi tu\m. Tung pơla hên mâu ngoh khên rơkê ki ê pơrá châ chêh inâi ai tu\m kơjôi, inâi. Xua mê, ngin rơhêng vâ ‘mâi rơnêu tu\m kơjôi, inâi dêi mâu ngế môi tiah thái Y Jut, xo tơvêh inâi vâi hiăng châ, nôu pâ dó ăm sap ing pơxiâm kot mâ. Ki má péa nếo, vâ tâi tâng mâu hơnăm ối nếo [ă mâu hdroâng kuăn ngo dế ối a kơpong tơnêi Tây Nguyên kố hlo mâu hnoăng cheăng ki pleăng dêi thái Y Jut ăm pơlê pơla, tơnêi têa tơná, hdroâng kuăn ngo tơná xuân môi tiah mâu tơdroăng ki rơhêng vâ pơtroh mâu rơxông ing hlá mơéa chêh ki thái hiăng chôu ăm.

Êng: Ê, cho hnoăng cheăng pêi ki ai pơxúa. Tiô ngin ‘nâi, nôkố, pák^ng tơdroăng ki veăng hnê a hngêi trung Đăi hok Tây Nguyên, tie#n sih Tuyết Nhung {uôn Krông ối pêi hnoăng cheăng hriăn ngăn ‘na khôi túa le#m tro, hriăn ngăn trâu hơngế ‘na khôi túa le#m hdroâng kuăn ngo dêi kong pơlê, malối, cho ‘na khôi túa le#m tro hdroâng kuăn ngo Rơđế. Tiah lâi, nâ rah xo hriăn ngăn ‘na kơvâ cheăng kố?

Tiâ: Tung pơla tơru\m cheăng nôkố, hên khôi túa, vêa vong dêi mâu hdroâng kuăn ngo, malối cho hdroâng kuăn ngo a kong pơlê dế rế hía rế hiăng vâ hía lôi, tá mâu rơxông nếo nôkố, môi tiah vâi hiăng vâ piu lôi, ôh tá rak vế hên xếo. Xua mê, á rơhêng vâ mơdêk mâu tơdroăng ki kơnía git ‘na khôi túa le#m tro dêi hdroâng kuăn ngo tơná vâ mâu tơdroăng ki kơnía git mê châ hlo nhên tâ, pêi pro nhên tâ [ă châ hên ngế ‘nâi troh tâ, kố cho mâu tơdroăng ki kơnía git ki xiâm, kal châ rak vế, cho ki xiâm dêi troăng hơlâ dêi pâ pôa tơná, kal châ rak vế tơniăn, kal châ ôu-eăng tá tung tuăn hiâm tơmiât, túa pêi tung tơdroăng rêh ối rêm hâi dêi rêm ngế, malối cho [ă mâu rơxông hơnăm ối nếo nôkố.

Êng: Tung pơla hriăn ngăn ‘na khôi túa le#m tro, malối cho ‘na khôi túa le#m tro dêi Rơđế, tơdroăng klâi pro ăm ‘nâ tơche#ng tơmiât hên tâ?

Tiâ: Ngin hriăn ngăn [ă hlo tiah kố, [ă mâu rơpo\ng, mâu kơpong pơlê, cheăm ki ối rak vế mâu khôi túa, vêa vong, khôi hmâ dêi pơlê pơla mê tơdroăng rêh ối vâi hlo tơniăn le#m tâ ‘na khôi túa, ‘nâi rak vế [ă rêh ối tơru\m [ă mâu ngế ki rêh ối tâ tá pin. Mê a mâu kơpong ki khôi túa, vêa vong ôh tá ai xếo tơdroăng ki nhuo#m lơ rak vế, malối cho mâu rơxông hơnăm ối nếo tơ’lêi hlâu pro xôi tung mâu tơdroăng ki mơdât, thăm nếo pro xôi luât, xua mê, kơxo# mâu ngế ki pro xôi luât rế hía rế hên. Cho ing tơdroăng ki ai khât kố, tơdroăng ki á tô tuăn [ă đi đo rơhêng vâ má môi mê cho tâi tâng mâu kuăn pơlê hdroâng kuăn ngo Rơđế tơná pơrá ‘nâi [ă hlê ple\ng ‘na khôi túa, vêa vong Rơđế, khôi túa le#m tro dêi mơngế Rơđế, xua mê, pin athế ‘nâi pâ nhuo#m dêi tơná mê nếo ‘nâi pâ nhuo#m rơpo\ng hngêi tơná, pâ hdroâng kuăn ngo tơná. Kố cho tơdroăng ki xiâm vâ tơdroăng rêh ối le#m tro tâ, pâ nhuo#m tâ.

Êng: Tiah mê, tie#n sih Tuyết Nhung {uôn Krông ối ai hên tơdroăng ki tô tuăn [ă rơhêng vâ pêi tung tơdroăng ki hriăn ngăn [ă rak vế mâu tơdroăng ki kơnía git ‘na khôi túa, vêa vong le#m tro dêi hdroâng kuăn ngo tơná. Nâ hôm chiâng tơpui tối iâ ăm ngin ‘na mâu tơdroăng ki tơmiât ki nâ vâ pêi tung hơnăm nếo kố?

Tiâ: Hơnăm nếo, á pơtối hriăn ngăn ‘na khôi túa le#m tro dêi hdroâng kuăn ngo tơná. Á ối hriăn ngăn [ă chêh klêi kơxop hlá mơ-éa nâl Rơđế ki á hiăng chêh sap ing hơnăm 2001 nah troh nôkố xúa ăm thái cô [ă sinh viên kơvâ sư phăm. Pák^ng mê, rơtế [ă mâu vâi pú ki hnê [ă mâu nâ, o mơngế Stiêng dế ối cheăng a Rơ’jiu, Um tivi kong pơlê Bình Phước, ngin pơtối hriăn ngăn [ă chêh pro klêi kơxop hlá mơ-éa hriâm nâl Stiêng lâm 1, 2, 3 vâ hnê tung mâu hngêi trung râ má môi. Tơdroăng ki pơtối mê á kô chêh klêi ‘na hriăn ple\ng khôi túa le#m tro hdroâng kuăn ngo Rơđế, mâu rôh mơd^ng ki kân tung hơnăm dêi mâu ngế Rơđế tiô túa ki tro ‘ló khât vâ kum mâu ngế ki pơchuât ai tơ’nôm kơxop hlá mơ-éa ki tro păng ‘nâng. {ă môi tơdroăng tơkêa bro nếo á kô pêi pro [ă dế ối tí tăng khu ki ‘no liăn, mê cho tơru\m [ă hngêi trung Đăi hok Paris 7, kong têa Pơhlăng pêi pro tơdroăng tơkêa tối tơbleăng, tơbleăng rơngê rơngối Tây Nguyên, kum ăm hên ngế châ pơchuât [ă tơdroăng ki rơkê ple\ng kơgiá git kố kum ăm tơdroăng ki hriăn ngăn, tí tăng ‘nâi ‘na khôi túa, vêa vong le#m tro Tây Nguyên, khôi túa vêa vong hdroâng kuăn ngo Rơđế.

Êng: Hôm, mâu tơdroăng ki rơhêng vâ dêi môi ngế pâ mơjo [ă loi nhuo#m ‘na khôi túa, vêa vong le#m tro dêi mâu hdroâng kuăn ngo Tây Nguyên. Rơkâu nâ kô pêi klêi mâu tơdroăng ki tơná tơmiât. Mơnê nâ ‘na rôh trâm tơpui tơno hâi kố.

Katarina Nga tơplôu [a\ tơbleăng