VOV4.Sêdang - Tơdrêng [ă tơdroăng pơkâ, vê hdró kơpong ki pêt mơjiâng tơmeăm, tơring Lâm Hà, kong pơlê Lâm Đồng hiăng [ă dế pơkâ pêi pro mâu troăng hơlâ to\ng kum khu mơdró kâ tơru\m tơdjêp [ă kuăn pơlê vâ mơ’no liăn mơnhông cheăng kơmăi kơmok, thăm pêi lo hên kế tơmeăm ing chiâk deăng ki dâi le\m khât.

A tơring Lâm Hà, kong pơlê Lâm Đồng, hên khu mơdró kâ hiăng [ă dế pơkâ pêi pro mâu tơdroăng tơkêa bro mơnhông tíu pêi cheăng [ă kơmăi kơmok tung uâ mơdiê tơmeăm khoăng ing chiâk deăng. Pôa Nguyễn Hoàng Anh, Kăn pơkuâ Ko\ng ti pêi cheăng tiô rơnó Hòang Anh Maca tối tiah kố, ko\ng ti dế pơtối vâ pêi pro klêi tâi tâng mâu tơdroăng ki pêi pro tơtro tiô luât vâ pơkâ mơ’no hnoăng cheăng tơru\m [ă 20 rơpo\ng kuăn pơlê pêi chiâk deăng (ki hên cho a tơring Lâm Hà [ă môi pâ a tơring Đức Trọng’’ vâ pêt tơvât hên hdrê loăng, ‘mâi rơnêu, thăm mơdêk pêi pêt kế tơmeăm lối 20 ha kơpong ki pêt loăng maca ing 7 hơnăm tơngi klêng.

Kố cho tơdroăng tơkêa bro ối tung hnoăng mơnhông thôn pơlê nếo dêi Khu xiâm hnê ngăn Đảng, pơkâ thế pêi pro tung plâ 2 hơnăm la ngiâ, tâi tâng kơxo# liăn ki to\ng kum mê tâk châ 30%. Ko\ng ti pêi cheăng tiô rơnó Hoàng Anh Maca hiăng vêh mung kơxo 70%. Pôa Nguyễn Hòang Anh, Kăn pơkuâ ko\ng ti tối ăm ‘nâi: ‘’Xua pêi pro tá hâi tơtro, tơdrêng mâu troăng hơlâ pêi kih thuât pêt mơjiâng mê 20 ha loăng maca a kơpong ki pêt tơmeăm cho tíu ki loăng ai plâi ôh tá tơ’mô.

Ki xiâm dêi tơdroăng tơkêa bro kố tung 2 hơnăm la ngiâ kô thăm mơdêk todroăng  ki pêi lo châ sap ing 4 troh 5 ta#n plâi maca ki hmâ pêt to hdrê loăng kố, [ă châ 2 troh 3 ha plâi maca ki pêt tơvât [ă hên hdrê loăng ki ê’’.

Vâ veăng châ cheăng tiô hnoăng cheăng ki tơkêa bro châ 20 ha loăng maca, Ko\ng ti pêi cheăng tiô rơnó Hoàng Anh Maca hiăng kring vế tơniăn hnoăng cheăng: hiăng mơjiâng [ă ăm mâu hnêi kơmăi uâ mơdiê mâu tơmeăm ki mơjiâng ing plâi maca, mơ-eăm châ rak vế krúa le\m mâu tơmeăm ki mơjiâng pro kế kâ, châ tơmối tung tơnêi têa [ă hnối mơ’no tê troh a kong têa ê rế hía rế xúa rế hên. Ivá mơjiâng pro dêi Hngêi kơmăi kố hiăng tâk troh 120 ta#n plâi maca tung 1 hơnăm.

Têng chế Ô Long vâ tê ngi kong ê dêi tơring Lâm Hà, kong pơlê Lâm Đồng.

Tiô tơdroăng tối hdrối, rơnó krí plâi maca tung hơnăm la ngiâ, tiô kơ túa ki pêt krê to loăng kố, mâu rơpo\ng a tơring Lâm Hà ki pêi tơru\m [ă Ko\ng ti pêi cheăng tiô rơnó Hoàng Anh Maca pêi châ 4 troh 5 ta#n 1 ha, [ă yă ki tơkêa rôe hdrối ai 100 rơpâu liăn 1 kg, pêi châ sap ing 400 troh 500 rơtuh liăn ha. Tơvêh 30% kơxo# liăn ki mơ’no pêi pêt, mê ối châ tơkâ sap ing 280 troh a 350 rơtuh liăn 1 ha.

{ă khu mơdró Tám Trình a cheăm Gia Lâm, tơring Lâm Hà, kong pơlê Lâm Đồng, hên hơnăm hdrối mê hía nah hiăng kum lối 5 rơpâu met karê vâ krâ ‘măn khu kơmăi kơmok ki vâ klâ plâi ki dâi [ă ki u\m, uâ mơdiê kaphế tiô túa hưh cơ. Khu mơdró kâ hiăng tơru\m cheăng [ă lối hr^ng rơpo\ng kuăn pơlê vâ mơjiâng kế tơmeăm.

Rêm rơpo\ng pêi châ 1 troh 3 ha. Yă rôe kơphế dêi khu mơdró Tám Trình [ă  rơpo\ng kuăn pơlê ki pơtối tơru\m pêt mơjiâng châ luâ tâ 10% tơngi klêng tâng vâ pơchông ngăn [ă yă tê a kơchơ. Ivá cheăng dêi kơmăi kơmok uâ mơdiê kơphế akố châ 12 ta#n 1chôu, klâ krê kơphế ki khăng; 4 ta#n 1 chôu vâ uâ mơdiê kơphế kơchoh.

Tiô tơdroăng ki ai păng ‘nâng a cheăm Phúc Thọ, tơring Lâm Hà, kong pơlê Lâm Đồng ăm hlo, kuăn pơlê akố hiăng tơru\m cheăng [ă khu mơdró Long Đỉnh vâ pêi pêt mơjiâng chế ô Long hlo tơ-[rê ‘nâng.

Mâu rơpo\ng kuăn pơlê hiăng châ kum hdrê chế tâi tâng ai vâ chê tơdế kơxo# liăn ngân dêi tơring Lâm Hà [ă 60% kơxo# liăn dêi Khu mơdró kâ Long Đỉnh. Khu mơdró kâ Long Đỉnh hiăng mơjiâng mâu hngêi trăng, troăng klông vâ pơkrâ kơmăi kơmok ki uâ mơdiê mâu tơmeăm ing chế Ô Long tiô kơ tơdroăng ki hiăng tơkêa kô rôe xo dêi kuăn pơlê.

Troh nôkố, lối 10 hơnăm kơ’nâi mê, inâi chế Ô Long dêi Long Đỉnh a Phúc Thọ, Lâm Hà hiăng mơnhên dêi inâi cheăng, ki kơnía tung mâu tíu tê mơdró a kơchơ ki kân tung tơnêi têa [ă mơ’no tê tơngi kong têa vâi ê. Kơpong ki pêt chế Ô Long pơtroh ăm hngêi kơmăi têng xăm Long Đỉnh a tơring Lâm Hà dế kố dế po rơdâ dâng 50 ha [ă tâi tâng ai 45 rơpo\ng kuăn pơlê pêi pêt tiô túa hưh cơ, kuăn pơlê pêi lo châ pá kơdâm 300 rơtuh liăn1 ha 1 hơnăm.

Tiô tơdroăng riân ngăn troh nôkố, lâp tơring Lâm Hà, kong pơlê Lâm Đồng dế mơjiâng kơpong cheăng kơmăi kơmok uâ mơdiê, têng hên h^n mâu hdrê plâi, tung mê ai lối 11 rơpâu 300 ha kơphế, lối 1 rơpâu 300 ha loăng maca, vâ chê 300 ha chế, lối 310 ha kơchâi [ă reăng, vâ chê 1 rơpâu ha loăng yâu păn hdrong hdrê ki nếo.

Vâ khoh châ ai tiah tơdroăng ki kố, mê mâu hơnăm hdrối mê hía nah, Vi [an hnê ngăn tơring Lâm Hà, kong pơlê Lâm Đồng hiăng tơku\m hnê tối ‘na hơ’leh hdrê pêt, xúa mâu tơdroăng ki rơkê ple\ng ‘na khoa hok kih thuât ‘mot tung pêi pêt kế tơmeăm, hơ’leh mâu hdrê loăng, plâi ki ôh tá dâi vâ pêt mâu hdrê loăng ki tê plâi kơnâ liăn, hnối rơkê pêi tá têng, uâ mơdiê.

Ki rơhêng vâ tối, khu kăn pơkuâ ngăn kong pơlê, tơring xuân hiăng to\ng kum hên tơdroăng ki tơ’lêi ăm khu mơdró kâ tung mơ’no liăn â mơdiê vâ kơ chiâng ai kế tơmeăm ki dâi khât châ mơ’no tê ăm kuăn pơlê [ă tíu ê rôe.

Hlá tơbeăng Lâm Đồng

Nhat Lisa tơplôu [ă tơbleăng