VOV4.Sêdang - Tơdroăng khe\n kơdeăn hok tro, sinh viên, droh rơtăm hdroâng kuăn ngo ki kơhnâ rơkê hơnăm 2019 po a Hà Nội tung 2 hâi lơ 11 [ă 12/11. Kơxê lơ 11/11, khu ki po tơdroăng hiăng chôu nhâng [ă chêh tung kơxop hlá mơ-éa ki kal a Văn Miếu Quốc Tử Giám.

Hơnăm kố ai 120 ngế hok tro, sinh viên [ă droh rơtăm hdroâng kuăn ngo ki kơhnâ rơkê ối tung 27 khu hdroâng kuăn ngo lo ing 33 to kong pơlê, pơlê kong kân châ pơ-ô pơ-eăng. Mâu vâi o cho mâu hok tro, sinh viên hiăng châ kâ pri ối má môi, má péa tung mâu rôh tơ’noăng hok tro ki rơkê dêi tơnêi têa lơ tung mâu rôh tơ’noăng khoa hok kih thuât râ tơnêi têa hơnăm 2019; hok tro ki plah mot hriâm a mâu hngêi trung đăi hok, học viện [ă điêm ki hên.

Kố pơrá cho mâu ngế djâ troăng ahdrối ‘na tuăn hiâm ki hâk vâ hriâm, mơ-eăm tơkâ luâ xơpá, pơloăng mơnúa vâ hriâm rơkê tung rôh hriâm tâp, [ă veăng tung mâu tơdroăng cheăng dêi pơlê pơla dêi mâu ngế hdroâng kuăn ngo.

Katarina Nga tơplôu [ă tơbleăng