VOV4.Sêdang - {ă tâi tâng ki xo\n vâ chê 210 km, troăng kân kơxo# 40B ai troăng ki xiâm tơdjêp [ă troăng kân kơxo# 1A a pơlê kong kơdrâm Tam Kỳ, kong pơlê Quảng Nam, troăng ki mơ’nui tơdjêp [ă troăng kân Hồ Chí Minh a pơlê kân Đak Tô, tơring Đak Tô, kong pơlê Kon Tum. Kố cho môi tung mâu troăng ki xiâm mơgăn tơdjêp [ă kong pơlê kơpong Tây Nguyên [ă kơpong tơdế Tơnêi têa [ă mâu kong pơlê peăng hdroh kong têa Lếo, tơkâ hluâ bo cheăng lâp plâi tơnêi Bờ Y – Phu Cưa. Xua châ ‘mâi rơnêu pro sap ing troăng prôk tung kong pơlê chiâng troăng kân mê troăng ki xo\n lối 60 km tơkâ hluâ kong pơlê Kon Tum nôkố hiăng tơ’nhiê ó khât, tơdjâk troh tơdroăng prôk vêh tê mơdró. Kal re#ng ‘no liăn ‘mâi rơnêu troăng kân kơxo# 40B vâ mơdêk cheăng kâ cho tơdroăng ki tơmiât dêi khu kăn pơkuâ [ă kuăn pơlê kong pơlê Kon Tum. Khoa Điềm, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối ‘na tơdroăng mê.

          Hâi lơ 16 khế 9 hơnăm 2013, Khu xiâm pơkuâ rak tơniăn troăng prôk [a\ rơxế kơtâu ai pơkâ kơxo# 2825, rơnêu mâu troăng kân tơkâ hluâ 5 tơring kơpong kong ngo dêi kong pơlê Quảng Nam [a\ 2 tơring Tu Mrong, Đak Tô dêi kong pơlê Kon Tum, chiâng troăng kân kơxo# 40{ tơkâ hluâ mâu kong pơlê. {a\ khu kăn pơkuâ kong pơlê [a\ kuăn pơlê a kong pơlê Kon Tum, tơdroăng lối 60 km troăng kân kơxo# 672 rơnêu pro chiâng troăng kân tơkâ hluâ mâu kong pơlê kô kum thăm mơnhông cheăng kâ rêh ối pơlê pơla mơnhông tơtêk, ki má lối cho tơring Tu Mrong, môi tung 62 tơring kơtiê dêi lâp tơnêi têa. Laga lối 2 hơnăm hiăng hluâ, troăng kân 40{ kơpong tơkâ hluâ kong pơlê Kon Tum tá hâi rơnêu bro, hiăng tơ’nhiê ó. Tơdroăng ki troăng kân tơ’nhiê ó kố hlo a pơlê kân Đak Tô, tơring Đak Tô, tíu ki achê [a\ troăng kân Hồ Chí Minh. Ngoh Trần Vĩnh Hội, ối a kho#i kơpho# 2, pơlê kân Đak Tô ai hngêi ối achê troăng kân tối ăm ‘nâi: Troăng kân kố tơ’nhiê hiăng ton, tối vâ pơtối rơnêu, laga hiăng tơpah, tơheăm hơnăm kố ôh tá hlo mơjiâng pro. Rêm roh kong mêi, têa lân lu. Têa hiu mot tung hngêi. Troăng kân kơhlong kơhlăng, rơnó tô rơxế hon đa prôk hluâ xuân hmâ kơtong. Rơxế kân kơtâu hluâ kố xuân klêh tung thông.

Sap ing tíu achê troăng kân 40{ [a\ troăng kân Hồ Chí Minh, a pơlê kân Đak Tô, tơring Đak Tô rế prôk ngi tơring Tu Mrong, kong pơlê Kon Tum troăng rế pá vâ prôk lăm. Vâ tơkâ lối 60 km troăng kân kố, rơxế ôtô, rơxế hon đa kơtâu têi tơkâ hluâ kơpong kố ton châ pái pu\n chôu. Hên troăng, môi tiah Văng Hrối, tơkâ hluâ cheăm Đak Hà, Tu Mrong [a\ hía hé, troăng kân ‘mêi ‘mâk, kơhlong kơhlăng. Ai kơpong, troăng kân hliăng tơ’nhiê ó, ai kơpong to hmốu, pro rơxế, rơxế hon đa prôk choâ ‘lâng, [a\ pro tơ’lêi trâm xía vâ. Pôa A Linh, kăn pơkuâ hnê ngăn cheăng Đảng cheăm Đak Hà, tơring Tu Mrông tối tơbleăng [a\ pâ thế: Rơnêu troăng kân kong pơlê chiâng troăng kân tơnêi têa, mê kuăn pơlê tung tơring Tu Mrong kố sôk ro. Laga nôkố troăng kân kố ôh tá tơxâng troăng kân tơkâ hluâ mâu kong pơlê, troăng rơ-iô, troăng ‘mêi ‘mâk, kơhlong kơhlăng, troăng ku\n, troăng ví, troăng rơnâk, xua mê pơkâ thế Chin phuh, Kuo#k ho#i re\ng ai tơdroăng tơkêa pro mơ’no liăn cheăng re\ng mơ’no liăn, mơjiâng troăng kân 40{ kố, vâ kuăn pơlê tơ’lêi tung tơdroăng tê mơdró, pơto kế tơmeăm khoăng [a\ tơdroăng prôk vêh.

Troăng kân 40B kơpong tơkâ kho#i kơpho# 2 pơlê kân Đak Tô, tơring Dak Tô

Pôa A Hơn, Kăn hnê ngăn Vi[an tơring Tu Mrong tối ăm ‘nâi, tơring ai 95% kuăn pơlê cho hdroâng kuăn ngo, kơxo# rơpo\ng kơtiê u ối lối 32%, troăng kân 40{ tơkâ hluâ mâu kong pơlê cho troăng kân ki kal, ai hnoăng kal tung xăm kơklêa kơdroh kơtiê, kum mơnhông cheăng kâ rêh ối pơlê pơla vâ mơnhông tơtêk. Laga [a\ tơdroăng troăng kân tơ’nhiê môi tiah dế kố, troăng kân kố pro pá puât kân. Ki pá má môi ăm mâu rơxế kơtâu, kế tơmeăm khoăng pơlê pêi chiâk deăng, tro khu tê mơdró hjip yă, bu roê [a\ yă tơdế tâng pơchông [a\ kơchơ tê mơdró tơdjuôm: Troăng kân 40{ tơkâ hluâ mâu kong pơlê, ki rơhêng vâ tối tung rơnó mêi hngê, prôk lăm pá puât, tơdjâk kân troh tơdroăng pêi chiâk deăng dêi kuăn pơlê. Troăng kơhlong kơhlăng, tơdjâk troh ‘na pơto kế tơmeăm khoăng, mê khu tê mơdró hjip yă kế tơmeăm khoăng. Tơring ai pâ thế, laga xuân tá hâi châ mơ’no liăn cheăng, hnoăng cheăng kố xua Khu pơkuâ rak tơniăn troăng prôk [a\ rơxế kơtâu. Xuân pói tơngah khu kăn râ kơpêng pro tơ’lêi hlâu, mơ’no liăn cheăng re\ng mơjiâng pro troăng, vâ tơring tơ’lêi tung tơdroăng prôk lăm.

            Tiô Khu pơkuâ rak tơniăn troăng prôk [a\ rơxế kơtâu kong pơlê Kon Tum, xiâm kối pro chât km troăng kân 40{ troăng kân kơtâu tơkâ hluâ kong pơlê Kon Tum tơ’nhiê ó, xua plâ 14 hơnăm hiăng hluâ, drêng ối cho troăng kân kơxo# 678 tơkâ kong pơlê ôh tá châ ‘mâi rơnêu. {a\ klêi kơ’nâi lối 2 hơnăm chiâng troăng kân tơkâ hluâ mâu kong pơlê, tơdroăng rơnêu, bu nếo iâ tê. Pôa Phan Mười, kăn pho\ pơkuâ rak tơniăn troăng prôk [a\ rơxế kơtâu kong pơlê Kon Tum ăm ‘nâi: Hơnăm 2015, Khu xiâm pơkuâ rak tơniăn troăng prôk [a\ rơxế kơtâu, kơ koan xiâm, khu pơkuâ rak liăn rơnêu troăng kân Việt Nam tơmâng mơ’no liăn châ 27 rơtal vâ rơnêu mâu tíu ki tơ’nhiê ó, tung dâng 40 km, rah xo 9 km, ai 38 kơpong. Pơkâ hơnăm 2016 Khu pơkuâ rak tơniăn troăng prôk [a\ rơxế kơtâu hiăng pơkâ thế [a\ châ Khu xiâm pơkuâ rak tơniăn troăng prôk [a\ rơxế kơtâu ăm phêp mơ’no liăn rơnêu 80 tíu tơ’nhiê ó, rơnêu troăng kân dâng 8 km 53 met troăng kân.

            Cho môi tung mâu troăng kân kơtâu tơkâ hluâ kơpong Tây Nguyên [a\ kơpong tơdế tơnêi têa [a\ mâu kong pơlê peăng hdroh kong têa Lếo, tơkâ hluâ tíu tê mơdró [a\ lâp plâi tơnêi Bờ Y – Phu Cưa, troăng kân 40{ tơkâ hluâ kong pơlê Kon Tum kal re\ng mơ’no liăn rơnêu, mơjiâng pro, vâ pơtối pêi hnoăng cheăng ki kal cho troăng kân kum mơnhông mơdêk cheăng kâ – rêh ối pơlê pơla.

A Sa Ly tơplôu [a\ tơbleăng