Kơpong nếo châ rơnêu bro a troăng kân 27 cho 24 km ing pái hơlâ troăng Phi Nôm troh pơlê kân Dran, troh a tơring Đơn Dương, kong pơlê Lâm Đồng. Tiô jâ Nguyễn Thị Thủy, ối a thôn La Bouye, cheăm Lạc Xuân, tơring Đơn Dương, ahdrối châ rơnêu, kơpong kố kơhlong kơhlăng. Vâ rơnêu, khu ki rơnêu troăng hiăng gu, ok hmốu [a\ xơmong, tôh [ê tông. Laga, bu môi pơla, troăng kân hiăng tơ’nhê, thăm tơ’nhê ó tâ hdrối nah.

‘’Vâi nếo rơnêu troăng mê nôkố hiăg tơ’nhê nếo. Pơxiâm apoăng vâi rơnêu dâng chât mêt, tíu 5 troh 10 met. Vâi rơnêu tiah mê laga bu hlo to lâi khế mê troăng hiăng tơ’nhê nếo’’.

Hên kơpong troăng nếo rơnêu hiăng tơ’nhê nếo

Pak^ng mâu troăng ki tơ’nhê châ rơnêu [a\ hiăng prêa, rơheăng, tơhneăng nếo, cho kơpong troăng kơhlong kơhlăng, nôkố thông têa hbrông pro troăng ‘mêi ‘mâk [a\ rơ-iô. Jâ Nguyễn Thị Xiâm, ối a thôn Lạc Viên, cheăm Lạc Xuân tối ăm ‘nâi, sap apoăng hơnăm troh nôkố, mâu khu ki rơnêu đi đo gu klê mê rơnêu nếo, laga tơdroăng ki troăng kơhlong kơhlăng xuân ối ti mê.

‘’Ngin hlo vâi mơjiâng pro troăng ôh tá dâi le\m klâi. Vâi tôh iâ kơxu, ki hên cho prêi, hmố xua mê gá ôh tá krêa to lâi khế mê rơnêu nếo. Kơpong troăng kố gá tơ’nhê hên ‘nâng, gá tơ’nhê đi đo. Kơpong kố rơ-iô tơ’lêi pro vâi o kơdrâi vâ hlâ, tơklâm rơxế đi đo, troăng ‘mêi xua mê vâi kơtong đi đo. Klôh kố kơmăng ki lâi xuân ai ngế kơtong, hâi mê nah trung thu ai 3 ngế ối ku\n xah hêi xuân kơtong’’.

Kuăn pơlê tâp kơ-[ăng tơbleăng tối mâu rơxế prôk lăm

Tiô pôa Bùi Duy Anh – Kơ koan xiâm pơkuâ troăng kân 4.1 mơnhên, ai troăng kân kơxo# 27 nếo rơnêu hiăng tơ’nhê môi tiah kuăn pơlê tối. Laga, pôa Anh tối, xiâm kối troăng re\ng tơ’nhê cho xua kong mêi ton:

‘’Kơpong troăng kố tung hơnăm 2018, pơxiâm 2019 hiăng tơku\m rơnêu laga bu rơnêu iâ tê [a\ kơxo# liăn lối 30 rơtal liăn. Tung hneăng achê kố ai tơ’nhê troăng kân xiâm kối tơdjâk xua kong mêi đi đo. ‘Na troăng tơ’nhê xua [a\ng troăng xua mâu ngế ki rơnêu [a\ tơdroăng ki vâ vêh rơnêu. Kơ koan xiâm hiăng ai mơ-éa mơhnhôk mâu khu ki mơjiâng pro ai tơdjâk rơnêu vâ tơniăn troăng prôk [a\ rơxế kơtâu a troăng kân kơxo# 27’’.

Troăng kân kơxo# 27 kơpong tơkâ tơring Đơn Dương rêm hâi ai rơxế kơtâu hên, laga troăng kân dế ôh tá tơniăn xua troăng hiăng tơ’nhê ó. Kuăn pơlê mơnhên, Tây Nguyên mot a rơnó mêi mê kô mêi hên, rơnêu mâu troăng kân thế tơmiât troh tơdroăng kố. Tơdroăng ki mê vâ mơne\n troăng re\ng tơ’nhê cho ôh tá tơxâng.

Tuấn Anh chêh

A Sa Ly tơplôu [a\ tơbleăng