VOV4.Sêdang - Tung mâu hơnăm hiăng hluâ, châ tơdroăng ki tơmâng ngăn to\ng kum dêi Tơnêi têa, kong pơlê Lào Cai, tơring kong ngo Si Ma Cai hiăng tơku\m veăng rơlo liăn vâ ‘no cheăng mơjiâng pro troăng mot tung cheăm, ke#n thôn pơlê. {ă túa pơkâ ‘’Kuăn pơlê pro ngế ki pơkuâ, tơnêi têa to\ng kum’’, kong pơlê kô ai troăng hơlâ to\ng kum tơtro, tơdroăng ki mơjiâng troăng prôk tung thôn pơlê hiăng [ă dế châ tối tơbleăng pêi pro tung lâp lu, po troăng ăm tơdroăng ki phâi tơtô ăm hên thôn, pơlê kơpong kong ngo tơkăng kong. Chêh xo dêi Thanh Thủy, ngế chêh hlá tơbeăng cheăng tung Rơ’jiu Việt Nam kơpong Tây Bắc ai mơnhên tơdroăng mê.

Tung pơla kong ôh tá mêi, mâu ngế pêi cheăng dêi 52 rơpo\ng hdroâng kuăn ngo Mông a thôn Lao Chải, cheăm Quan Thần Sán, tơring Si Ma Cai pêi pro vâ re#ng klêi troăng [ê tông sap ing cheăm mot tung thôn. Kăn pơkuâ thôn cho ngế ki tối tơbleăng, mơhnhôk vâi krâ nho\ng o veăng kum ivá cheăng, veăng rơlo liăn rơtế [ă dêi pó tơku\m pro troăng. Ngoh Tráng Seo Chơ, ối a thôn Lao Chải tối ăm ‘nâi: Troăng ki kố vâi krâ nho\ng o prôk lăm gá tơ’lêi hlâu tâ, kuăn muăn lăm hriâm xuân tơ’lêi tâ há. Prá, alâi, báu ki poê xo ing klâng chiâk xuân tơ’lêi há tung pơto chơ sap ing klâng chiâk troh a hngêi, ôh tá eâ xoi, pôu a ro\ng xếo.

{ă túa pơkâ kuăn pơlê ki pơkuâ, khu pú hên, khu kăn pơkuâ mơ-eăm sap ing 1 thôn, 1 pơlê cho ki xiâm châ tơ-[rê hiăng rế hía rế achê  mâu thôn, pơlê ki ê. Pôa Vũ Văn Sơn, kăn hnê ngăn Vi[an cheăm Quan Thần Sán ăm ‘nâi: Túa pêi sap ing ki kuăn má môi troh ki kân. Pơtih apoăng drêng cheăm pro troăng mâu prêi, xi mong ok a k^ng troăng, klêi mê xúa kơmăi kui, kơtâk. Tiah mê mơhrê hên ivá cheăng, má péa nếo, gá mơhrê hên prêi, xi măng [ă hên kế tơmeăm ki ê. Kơ’nâi mê, ngin tơmiât ok mâu prêi, xi mong a troăng hlối, klêi mê tơvât tơdrêng amê hnối ok lâp a troăng, me#n xi mong ki hiăng tơvât tâng ôh tá tâi xuân ối a troăng. Pro tiah mê gá tơ-[rê khât.

Pêi pro tiô tơdroăng kố, troh nôkố tơring kong ngo Si Ma Cai hiăng ai lối 90% troăng mot tung thôn pơlê hiăng châ pro [ă [ê-tông, troăng ok chhá kơxu sap ing tơdế 13 cheăm tung tơring. Klêi 4 hơnăm pêi pro tiô tơdroăng pơkâ dêi tơnêi têa ‘na mơjiâng thôn pơlê nếo, troh nôkố lâp tơring hiăng pro vâ chê 70 km troăng prôk tung thôn pơlê, tung mê, 32 km troăng [ê-tông [ă 36 km troăng ok hmối. Kơnôm mâu troăng ki kố, kuăn pơlê a cheăm kố hiăng ôh tá ai xếo tơdroăng ki hmếu pơ mơjiâng pro xêh.

Vâ ai mâu troăng ki le#m, kân rơdâ tiah kố, sap ing hâi ki pơxiâm tối tơbleăng pêi pro, tơring Si Ma Cai đi đo xo hnoăng cheăng tối tơbleăng ki xiâm. Pro tơdroăng ki pơxúa ăm kuăn pơlê cho ki xiâm, mơhnhôk mâu khu râ veăng rơlo liăn cheăng tung tơring, cheăm, thăm ‘no ivá rơdêi dêi kuăn pơlê vâ pro troăng tơdjêp [ă mâu thôn, pơlê. Drêng châ khu kăn pơkuâ tơring, cheăm tối tơbleăng ‘na ki pơxúa dêi troăng ki kố, ‘na pơkâ mơjiâng thôn pơlê nếo, rêm ngế pơrá sôk ro, pleăng mâu klâng, kơdrum ki kơnâ vâ rơtế dêi pó pro troăng, xua ki pơxúa tơdjuôm ăm pơlê pơla. Pôa Trương Mạnh Hùng, kăn pho\ hnê ngăn Vi[an tơring Si Ma Cai, kong pơlê Lào Cai ăm ‘nâi: Tung mơnhông mơdêk pro troăng mot tung thôn, ngin xuân pro môi tiah tuăn hiâm mơjiâng thôn pơlê nếo, kuăn pơlê pro troăng ăm pin prôk, pin cho ngế ki châ pơxúa [ă troăng [ê-tông cho mâu troăng prôk krá tơniăn. Mê kuăn pơlê hiăng veăng kơhnâ khât. Tiô troăng hơlâ dêi Tơnêi têa, tơring ngin hiăng châ to\ng kum xi mong, prêi hmốu [ă to\ng kum môi iâ liăn vâ tôh [ê-tông.

Mâu troăng [ê-tông ki krá le#m kố xo\n sap ing mâu thôn pơlê lo a mâu klâng báu, kơdrum alâi, nôkố ôh tá tơviah xếo a hên thôn, pơlê kơpong kong ngo Si Ma Cai. Mê cho mâu troăng prôk ki po ăm tơdroăng phâi tơtôu sap ing hnoăng pơkuâ ngăn dêi Đảng mot tung hiâm mơno kuăn pơlê.

Katarina Nga tơplôu [a\ tơbleăng