VOV4.Sêdang - Ô vâi krâ nho\ng o [a\ pú hmâ! {a\ tơdroăng kơdôu mơ-eăm kân k^n dêi Đảng, Tơnêi têa, Kuo#k ho#i tung mâu hneăng achê kố, kơxo# mâu ngế kăn cho mơngế hdroâng kuăn ngo veăng cheăng a mâu kơ koan kuăn pơlê rah xo rế hía rế hên. Laga, vâ kuăn pơlê mâu hdroâng kuăn ngo rế hía rế veăng tơpui hên tâ a mâu kơ koan teăng mâ kuăn pơlê, mê kal khât tung tơdroăng veăng kum dêi mâu khu râ, kơvâ cheăng. Minh Châm, ngế chêh hlá tơbeăng ai chêh tối ‘na tơdroăng mê. Pó vâi krâ nho\ng o [a\ pú hmâ kô tơmâng.

Tung 4 hneăng cheăng Kuo#k ho#i achê kố nah, kơxo# mâu ngế cho hdroâng kuăn ngo châ sap 15 troh 17,2% tung tâi tâng kơxo# mâu kăn Kuo#k ho#i. Kăn cho mâu ngế hdroâng kuăn ngo ki veăng châ chêh inâi cheăng tung Ho#i đồng hnê ngăn râ kong pơlê hneăng 2011-2016 ai 688 ngế, châ 18%, râ tơring [ă râ cheăm châ lối 20%. A hneăng hôp Kuo#k ho#i, hên mâu kăn hdroâng kuăn ngo hiăng ai mâu tơdroăng ki veăng kum kal khât tung mâu tơdroăng pơkâ troăng hơlâ dêi Kuo#k ho#i, malối cho mâu troăng hơlâ ki ai tơdjâk troh hdroâng kuăn ngo. Hneăng má 13 hdrối kố nah, Kuo#k ho#i hiăng séa ngăn khât hnoăng cheăng pêi pro troăng hơlâ, luât pơkâ ‘na rak ngăn, xúa tơnêi tơníu a mâu tíu pêi chiâk pêi deăng, tíu ki pêt kong ki mơdró kâ. Xuân tung hneăng cheăng kố, pôa Giàng Seo Phử rôh apoăng, Kăn xiâm pơkuâ, Vi [an hdroâng kuăn ngo hiăng mơ’no rơkong tiâ mơnhên rơkong ki kơ-êng dêi mâu kăn ki ai tơdjâk troh tơdroăng 135, tơdroăng ki ai khât [ă troăng hơlâ xing xoăng kuăn pơlê lăm rêh ối kơpong ki hmâ kong mêi khía mơhot, têa kân lân lu, tơdroăng ki kuăn pơlê hmếu pơ lăm rêh ối hmâng vâ, hnê cheăng pêi, tơnêi ối, tơnêi pêi kâ ăm hdroâng kuăn ngo. Tơdroăng kố ăm hlo, kăn hdroâng kuăn ngo rế hía rế ai rơkong tơpui tối tung mâu kơ koan ki kuăn pơlê pôk. Laga, tiô pôa Lù Văn Que, kăn pơkuâ Ho#i đồng kơ-êng tiâ mơnhên hdroâng kuăn ngo dêi Măt tra#n Tơnêi têa Việt Nam tối, mơhé mâu hneăng cheăng ki achê kố, kơxo# mâu ngế kăn cho hdroâng kuăn ngo tung mâu kơ koan cheăng xua kuăn pơlê pôk hlo hên tâ pơchông [ă kơxo# kuăn pơlê, la xuân ai mâu hdroâng kuăn ngo tá hâi ai kăn teăng mâ cheăng tung kơ koan pơkuâ dêi tơnêi têa: Hneăng má 11 ai 11 ngế hdroâng kuăn ngo tá hâi teăng veăng cheăng tung Kuo#k ho#i, hneăng má 12 xuân ai 22 ngế kăn hdroâng kuăn ngo tá hâi teăm veăng. Hneăng má 13 ai 78 ngế kăn hdroâng kuăn ngo mê ai 24 khu hdroâng kuăn ngo tá hâi châ cheăng tung Kuo#k ho#i [ă ki tơviah ai 5 ngế hdroâng kuăn ngo tá hâi châ cheăng tung Kuo#k ho#i mâu hneăng. Á pơkâ thế tơmiât nhên, séa ngăn nhên tâ, mơdêk tơ’nôm mâu kăn cheăng tung hdroâng kuăn ngo xua tơdroăng kố gá mơhno tối tơdroăng tơdâng tơ’mô pơla mâu hdroâng kuăn ngo.

Ki khât gá, ‘na tuăn hiâm rơkê ple\ng dêi mâu kuăn pơlê hdroâng kuăn ngo ngăn tơchuôm ối iâ, tơdroăng cheăng kâ, mơhno mơjiâng túa le#m tro, pơlê pơla ối trâm hên xơpá. Hên ngế ôh tá ‘nâi chư [ă ôh tá ‘nâi nâl Xuăn mê tơpá khât tung hnoăng cheăng tối tơbleăng vâ chêh inâi tơbriât cheăng. Rôh apoăng veăng chêh inâi vâ mot cheăng tung kơ koan xua kuăn pơlê pôk, ngoh Hoàng Quốc Khánh, hdroâng kuăn ngo Giáy, a Lai Châu ăm ‘nâi: Mơhé châ kơ koan tơbleăng inâi [ă pro tơ’lêi hlâu ăm tơdroăng ki veăng hriâm tung mâu lâm hnê tơ’nôm, hriâm pât vâ tí tăng ‘nâi ple\ng, ‘nâi nhên mâu tơdroăng kal vâ kum ăm tơdroăng ki chêh inâi vâ tơbriât cheăng, la [ă mâu ngế ki chêh inâi vâ tơbriât cheăng cho hdroâng kuăn ngo a mâu kong pơlê peăng kong ngo môi ngế ngoh kố, gá veăng chêh inâi vâ tơbriât cheăng rôh ki apoăng mê tơdroăng ki châ achê, châ ‘nâi mâu tơdroăng kal [ă tơdroăng ki mơhnhôk tơbriât, mơjiâng tơdroăng pêi pro, châ kuăn pơlê rơhêng vâ, gá ối iâ. Kố cho tơdroăng ki pá ôh tá xê iâ, pro kơdroh tơdroăng ki châ tơ-[rê [ă mâu ngế ki chêh inâi vâ tơbriât cheăng cho hdroâng kuăn ngo. Ngoh Hoàng Quốc Khánh tối: Tơdroăng a kơpong kong ngo, kơpong hdroâng kuăn ngo, tơdroăng ki vâ re\ng châ ‘nâi mâu tơdroăng kal ki nếo ai gá ối iâ tâ tâng vâ pơchông [ă a kơpong tơbăng. Ki má péa, a kơpong hdroâng kuăn ngo kố, tơdroăng ki hriâm troh lâm kân tá hâi tơdâng tơ’mô, tung pơla trâm mâ kuăn pơlê, mơhnhôk, tối tơbleăng hên hâi khế, ivá vâ vâi krâ nho\ng o ‘nâi nhên.

Ôh ti xê to tiah mê, mâu ngế ki chêh inâi vâ to pro kăn cho mâu ngế hdroâng kuăn ngo ối ai hên tơdroăng pơkâ môi tiah cho ngế ki chêh inâi vâ tơbriât cheăng cho kơdrâi, hơnăm ối nếo, lơ mơngế ki tá hâi mot  Đảng. Kố xuân pá khât tung hnoăng cheăng tối tơbleăng mơhnhôk tâ ph^u xuân môi tiah rak tơniăn tơdroăng pơkâ ai iâ hlái ai 18% tung tâi tâng kăn Kuo#k ho#i cho hdroâng kuăn ngo. Pôa Nguyễn Lâm Thành, kăn xiâm pho\ pơkuâ ngăn hdroâng kuăn ngo dêi Kuo#k ho#i tối tiah kố, klêi kơ’nâi châ pôk ối tơkôm hên tâ nếo tung tơdroăng ki rah xo mâu ngế ki chêh inâi vâ tơbriât cheăng tung pơla mơhnhôk tơbriât vâ mot cheăng. Xua mê, vâ pêi châ tơ-[rê tơdroăng pơkâ môi tiah hiăng tối hdrối, athế ai tơdroăng ki hnê mơhno tơku\m, môi tuăn dêi khu râ Đảng, khu kăn pơkuâ [ă ivá mơ-eăm, môi tuăn dêi kơ koan, kơvâ cheăng, Măt tra#n Tơnêi têa Việt Nam tung hnoăng cheăng tâ ph^u, sap ing tơdroăng ki tơpui tơno tơbleăng mâu ngế ki chêh inâi vâ tơbriât cheăng troh tơdroăng ki mơhnhôk tơbriât. Vâ tối tơbleăng mâu tơdroăng ki rơkê ple\ng vâ pêi pro tơdroăng mơhnhôk tơbriât ăm mâu ngế ki chêh inâi tơbriât cheăng cho hdroâng kuăn ngo, hâi lơ 21 khế 4 hdrối kố nah, Ho#i đồng hnê ngăn hdroâng kuăn ngo a 17 kong pơlê peăng kơnho\ng. Mơ’nui khế kố, 1 lâm hnê hriâm kô châ tơku\m po hnê ăm mâu ngế ki chêh inâi vâ tơbriât cheăng cho hdroâng kuăn ngo a mâu kong pơlê peăng hdroh. Pôa Nguyễn Lâm Thành ăm ‘nâi: Hên ngế ki chêh inâi vâ to pro kăn cho hdroâng kuăn ngo gá iâ khât, bu to mâu ngế ki chêh inâi vâ pro kăn a kơpong hơngế hơngo. Mê tơdroăng ki xiâm dêi lâm hnê hriâm rôh kố dêi Ho#i đồng hdroâng kuăn ngo cho vâ kum ăm mâu ngế ki chêh inâi cho hdroâng kuăn ngo ai tơ’nôm tơdroăng ki rơkê ple\ng, ai tơ’nôm tuăn hiâm khên tơnôu, ai tơdroăng ki loi tơngah vâ pêi pro mâu rôh mơhnhôk tơbriât pro kăn ăm dêi tơná tro tâ, kô loi tơngah châ tơ-[rê tung tơdroăng ki châ pôk gá hên tâ.

Mâu lâm hnê hriâm tiah mê gá kal khât, pro ai pơxúa ăm rôh ki tơ-[rê hên tâ ăm mâu ngế ki chêh inâi vâ tơbriât cheăng cho hdroâng kuăn ngo. La ‘na ton xo\n, vâ mơdêk kơxo# ngế kăn cho hdroâng kuăn ngo tung Kuo#k ho#i mê rêm râ, kơvâ cheăng kal ai mâu tơdroăng pêi pro kơhnâ tâ nếo vâ túa pơkâ, hnê tơ’nôm ăm mâu kăn [o# hdroâng kuăn ngo. Ing mê, veăng kum pêi pro châ tơ-[rê troăng hơlâ hdroâng kuăn ngo dêi Đảng, mơdêk ăm kơpong kong ngo, kơpong hdroâng kuăn ngo rế hía rế mơnhông mơdêk tơdjuôm dêi tơnêi têa.

Katarina Nga tơplôu [ă tơbleăng