Tung hngêi ku\n dêi rơpo\ng pôa K’Tiêng (hdroâng kuăn ngo M’nông) ối a pơlê R’cập, cheăm Nâm Nung, tơring Krông Nô, kong pơlê Dak Nông môi tiah môi kơbong vâi krâ nah. Pôa lôi môi pâ mơnât vâ krâ ‘măn um Pôa Hồ Chí Minh [a\ Đăi tươ\ng Võ Nguyên Giáp; tâ tá cho Mê dái, Mê dái tơplâ xâ nah, Kih niêm chương, [âng khe\n kơdeăn [a\ hên inâi ki kơnâ ki ê.

Klăng leh tơbâ 30 hơnăm Hâi tâi tâng kuăn pơlê kring vế, 75 hơnăm mơjiâng Khu lêng kuăn pơlê Việt Nam, hbrâ tơdah hơnăm nếo, pôa K’Tiêng kok in l^ch hơnăm 2020 xuân in um Pôa Hồ [a\ Pôa Giáp, pak^ng mê, um prế on veăng pôa sâp hmân ếo le\m mơnâ mâ ngăn. Pôa tối ‘na l^ch kố cho tơdroăng ton nah tung kong kế tung tơplâ xâ nah.

‘’Má hmâ dêi pó tung chal tơplâ xâ nah. Drêng mê nah, á cho yân kong pêi hnoăng cheăng pôu chiân, djâ ‘mrâm pháu, tơmeăm kâ, pôu po, phái, xup kơxo\ng khăng [a\ hía hé ăm mô đo#i a kơpong ki achê tíu tơkăng kong dêi kong Kul, [a\ kơdrâi á cho ngế cheăng tung khu hơdruê xuâng. Drêng mê [om ‘mrâm răng dêi lêng kong têa ê hên ‘nâng, on veăng á iâ trâm dêi pó, rêm roh ai roh hơdruê xuâng mê nếo châ trâm dêi pó.

Troh hơnăm 1972 má nếo pơkoăng dêi pó, á ối a đông pêi hnoăng cheăng, kơdrâi á vêh a pơlê rêh ối [a\ veăng hơdruê xuâng; drêng ai roh mê lăm mơđah tơbleăng a đông lêng mê on veăng má nếo trâm dêi pó. Klêi kơ’nâi tơleăng le\m hơnăm 1975, on veăng má nếo vêh rêh ối [a\ dêi pó troh nôkố’’.

Pôa Y Tiêng ngăn dêi tơmeăm khoăng ki châ diâp a roh tơplâ nah

Pôa K’Tiêng xuân tối ăm ‘nâi, pơlê R’Cập tiô nâl M’nông mê cho ‘’Prếo vêh’’. Xua tung rơxông tơplâ nah, kố cho kơpong kăch măng, vâi krâ kuăn pơlê thế xe\n lăm ối a kong vâ ví [om ‘mrâm pháu [a\ veăng tung roh tơplâ. Drêng tơnêi têa châ mơjiâng môi, vâi krâ prếo vêh pro pơlê. Nôkố pơlê ai 280 rơpo\ng, [a\ lối 1.000 pơ’leăng mâ mơngế, tâi tâng cho mơngế M’nông.

‘’Nôkố tâng pơchông [a\ hdrối nah tơdroăng rêh ối hơ’leh hên ‘nâng. Tơnêi têa hiăng mơjiâng troăng kân, on tơhrik, têa krúa, hngêi trung. Mâu rơpo\ng ai hnoăng tơnêi têa châ mơjiâng hngêi tuăn pâ. Pêi pro tiô troăng hơlâ dêi Đảng, Tơnêi têa, vâi krâ đi đo mơnhông mơdêk hiâm mơno ru\m môi tuăn vâ mơjiâng pơlê.

Tơdroăng hriâm dêi kuăn cháu châ tơnêi têa tơmâng hên. Hlê ple\ng dêi vâi krâ xuân tơtêk tung tơdroăng pêi chiâk deăng, ôh tá xê to pêi pêt, ôh tá xê to bê kâ mê ối pêi chiâk deăng vâ tê mơdró, ‘nâi pêt kơxu, kơphế cho tơtro le\m’’.

Xuân ối tung kơpong tơplâ xâ B4 – kong pơlê IV, pơlê Ja Rah, cheăm Nâm Nung, tơring Krông Nô, kong pơlê Dak Nông nôkố cho tíu ối rak tu\m ki kơnâ mơhno túa le\m tro dêi mơngế M’nông. Krâ pơlê cho pôa Y Xuyên, môi ngế rơkê hdroâng kuăn ngo châ kuăn pơlê loi tơngah tung kơpong. Tơdroăng ki chôu vế má môi tung rơxông pôa cho sôk ro châ ối tung khu dêi Đảng klêi kơ’nâi hên h^n roh pơtrui rup FULRO a kơpong kong ngo kơtăn kố vâ chê 40 hơnăm.

Pôa Y Tiêng hơ'muăn tối dêi mâu tơdroăng tơplâ xâ nah

Mâu tơdroăng pâ vế ôh tá kâi piu mê cho rơxông tơplâ xâ ó tung kơpong đông kăch măng, pôa rơtế vâi krâ M’nông a mâu pơlê xe\n mot tung kong, veăng pôu tơmeăm kâ, ‘mrâm pháu, kum mô đo#i plâ khu lêng ‘mêi. Ki rơhêng vâ tối, pôa Y Xuyên [riê rơrêk má môi cho mâu roh châ tơmâng Pôa Hồ pơchuât kơthô rơkâu Têt tung Rơ’jíu Việt Nam; tơdrăng [ă cho khât, môi tiah châ tơ’nôm ivá ó rơdêi hiâm mơno.

‘’Drêng á ối tung khu lêng, troh rơnó Têt phiu ro ‘nâng. Kơmăng tơdah hơnăm nếo maluâ dế gak ngăn lơ dế pêi hnoăng cheăng nho\ng o ngin hmâ po Rơ’jíu vâ tơmâng rơkong rơkâu Têt dêi Pôa Hồ, hâk vâ [a\ phiu ro ‘nâng. Tơdroăng rơkâu Têt dêi Pôa Hồ troh nôkố á xuân ối pâ. Pôa Hồ pơchân pin tâi tâng cho nho\ng o môi hngêi, ru\m môi tuăn cho ivá ó rơdêi. Pôa pơtroh rơkong rơkâu tâi tâng nho\ng o mâu mô đo#i, vâi krâ nho\ng o tung lâp tơnêi têa… Klêi kơ’nâi tơmâng Pôa rơkâu Têt pin hmâ pe\ng pháu a rơvâ plêng vâ phiu ro koh tơdah hơnăm nếo’’.

Klêi kơ’nâi hơnăm 1975, tơnêi têa môi tuăn, vâi krâ vêh a pơlê ton rêh ối. Pôa Y Xuyên, klêi kơ’nâi veăng pơtrui rup FULRO pơtối pêi dêi tơdroăng hnê chư ăm kuăn ‘ne\ng a mâu pơlê, veăng tơdroăng pêi cheăng Đoân Droh rơtăm pôu râng hên hnoăng cheăng ki kal a pơlê cheăm môi tiah: Kăn pơkuâ Ko\ng an cheăm, Pho\ hnê ngăn Vi [an cheăm, klêi mê kăn hnê ngăn Vi [an Măt tra#n Tơnêi têa cheăm Nam Nung.

‘’Pơtê hơnăm hiăng krâ laga ôh tá pơtê cheăng’’, châ vâi krâ loi nhuo#m rah xo pro krâ pơlê, pôa Y Xuyên đi đo kơhnâ tung hnê tơdroăng kăch măng roh nah ăm rơxông ối nếo, tơdrêng amê hnê te\n tơmeăm, rơnuâ pro kâng [a\ rak vế ki kơnâ khôi túa le\m tro dêi mơngế M’nông a pơlê xiâm Nâm Nung khên tơnôu.

Thị Đoắt – Quốc Học chêh

A Sa Ly tơplôu [a\ tơbleăng