VOV4.Sêdang - Vi[an kong pơlê Kon Tum tơku\m po hneăng hôp mơ’no tơdrêng tung um tivi, rơ’jíu lâp kong pơlê roh hôp tiah hmâ khế 1 hơnăm 2016. Mơgêi roh hôp, pôa Nguyễn Đức Tuy, kăn pho\ hnê ngăn Vi[an kong pơlê Kon Tum pơkâ mâu khu, kơvâ cheăng, tơring thăm séa ngăn, mơnhên ngăn tơdroăng xing xoăng phái, xing xoăng hmân ếo, buông duôh troh mơngế ki kơtiê, troh [a\ kuăn pơlê; rak tơdroăng tê mơdró kế tơmeăm tơniăn yă, tơru\m séa ngăn, pơkuâ tơniăn mâu tơdroăng tê mơdró kế tơmeăm, mơdât ki mơdró kâ ôh tá tro luât, lu lêa; mâu tơring tối pơtâng ăm khu ko\ng an séa ngăn tơring, tơleăng tơdroăng mơngế ki tê mơdró mlo\i [a\ rak tơniăn kring vế tung roh kâ têt; kơvâ pơkuâ rak tơniăn drô troăng prôk [a\ rơxế kơtâu, mơdât tơdroăng mơdêk yă ve\ ôh tá tơtro tiô pơkâ, rak tơniăn krúa le\m kế kâ; pêi tro tơdroăng pơkuâ, gâk ngăn kong, hbrâ tơpâ on chếo kong tung roh têt; ai pơkâ po rơdâ khu ngế pơkuâ ‘na pơrea\ng xông tâ tú a kơpôu, ro chu, í peâp; ki rơhêng vâ tối, Ko\ng an kong pơlê Kon Tum ai túa gâk kring tơniăn tung tơring, cheăm, ki má lối a kơpong thôn pơlê hơngế, kơpong tíu tơkăng kong [a\ hía hé. Tung roh têt, tơku\m lo lăm pêi cheăng klêi kơ’nâi têt, xua mê tơku\m pêi pro tơdroăng mơjiâng thôn pơlê nếo; klêi kơ’nâi têt thế po rơdâ túa pơkâ cheăng hơnăm 2016, ki má lối cho tơdroăng ‘mâi mơnhông mâu tơdroăng pá puât ăm khu tê mơdró, vâ thăm pêi lo tơ’nôm liăn ngân [a\ hía hé.