VOV4.Sêdang - A tíu pêi cheăng Khu xiâm ngăn pơkeăng ƀă khăm pơlât hiăng po leh tơdah xo 250.800 klŏng vaccine dêi kong têa Czëch tŏng kum ăm Việt Nam vâ hbrâ mơdât pơreăng COVID-19. Teăng mâ Chin phuh Việt Nam, pôa Trương Quốc Cường, kăn phŏ ngăn pơkeăng ƀă khăm pơlât pơtroh rơkong mơnê troh mâu kăn pơkuâ, Chin phuh ƀă kuăn pơlê Czëch hiăng diâp 250.800 klŏng vaccine (210 klŏng AstraZeneca ƀă 40.800 klŏng Moderna ăm Việt Nam vâ hbrâ mơdât pơreăng COVID-19.

Tối nhên, kố cho tơdroăng tŏng kum kơnía khât, ai pơxúa ƀă rĕng tơdrêng ăm Việt Nam, ngăn kố, cho tơdroăng ki mơhno tối ki lĕm tơrŭm nhŏng o ton xŏn, veăng tơbêng tung plâ lối 70 hơnăm hdrối nah pơla péa tơnêi têa. Troh nôkố, tâi tâng vaccine COVID-19 vêh troh a Việt Nam sap ing hên tíu ki tơ-ê dêi pó cho lối 27 rơtuh klŏng.

Katarina Nga tơplôu ƀă tơbleăng