VOV4.Sêdang - Virus Zika tơ’lêi xông tâ tú a Việt Nam [a\ drêng xông tâ tú kô tâ tú rơdâ lâp lu. Kố cho tơbleăng dêi Kơ koan xiâm ngăn pơkeăng [a\ khăm pơlât, ối tung Khu xiâm ngăn pơkeăng [a\ khăm pơlât tơbleăng tung roh hôp {ơrô pơkuâ ‘na hbrâ mơdât pơrea\ng xông tâ tú a kơxê hnah, lơ 29 khế 1, a Hà Nội. Virus Zika dế xông tâ tú re\ng a 26 to kong têa [a\ kơpong châu Mih [a\ hiăng tâ tú a mâu kong têa kơpong châu Âu. Rơpâu ngế vâi hdrêng achê kố drêng nếo pơxiâm kot mâ hiăng ai pơrea\ng tung ngoâ, châ tối cho tơdjâk pơrea\ng virus Zika, pro lâp plâi tơnêi tô tuăn. Khu xiâm ngăn pơkeăng [a\ khăm pơlât Việt Nam mơnhên, Việt Nam tá hâi hlo ngế tro tâ virus Zika. Laga, pơrea\ng kố kô xông tâ tú, xua virus Zika tâ tú ing tri trôu Aedes. Kố xuân cho tri trôu ki pro chiâng tơngê lo mơheăm. Ki má lối drêng virus Zika hiăng xông tâ tú a mâu kong têa tung kơpong peăng mâ hâi lo pá hdroh châu Á, tíu ki ai ôm hyô, tê mơdró, mơngế pêi cheăng hên má môi cho kong têa Siam [a\ hía hé.